Заседанийра иштиракна

Дагъустан Республикадин Кьил Сергей Меликован регьбервилик кваз республикада законлу къайдаяр хуьн таъминарунин рекьяй Хатасузвилин Советдин Координационный совещанидин заседание кьиле фена. Видеоалакъадин къайдада заседанидин кIвалахда Сулейман-Стальский райондин Кьил Нариман Абдулмуталибова ва райадминистрациядин Кьилин заместителар тир Абуталиб Фатулаева ва Саид Темирханова иштиракна.

Заседанидал алай месэлайрай ДР-дин са жерге министерствойрин ва ведомствойрин руководителри гьахъ-гьисабар авуна.

Заседанидал алай месэлайрихъ галаз алакъалу яз къейд ийиз кIанзава хьи, Сулейман-Стальский райондин территориядал алай кар кьиле тухуниз талукь тир гьалар мягькембур ва дурумлубур я, чIуру дуьшуьшар хьанвач. ГьакIни социально-экономический проектар уьмуьрдиз кечирмишуниз ахъагъай бюджетдин такьатар чуьнуьхай дуьшуьшар авач. Ишлемиш тавур такьатарни тамамвилелди республикадин бюджетдиз элкъуьр хъувуна.

***

ДР-дин Кьил Сергей Меликован регьбервилик кваз Дагъустан тамамвилелди газламишунин региональный штабдин ва республикадин ЖКХ-динни энергетикадин карханаяр экономикадин рекьяй дурумлудаказ вилик тухунин штабдин саналди тир заседание кьиле фена. Видеоалакъадин къайдада заседанидин кIвалахда Сулейман-Стальский райондин Кьил Нариман Абдулмуталибова, райадминистрациядин Кьилин 1-заместитель Лацис Оруджева ва ЖКХ-дин управленидини пешекарри иштиракна.