Меню
6+

Сетевое издание «Кюре»

11.03.2022 10:28 Пятница
Категории (2):
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Халкьдиз къуллугъзавай къурулуш

Къенин нумрадилай башламишна «Куьредин хабарар» газетдиз «Чкадин самоуправленидин йикъан къаршидиз» рубрикадик кваз гузвай макъалаяр гьазурдайла за райондин архивдай жуьреба-жуьре йисара къачур делилрикай менфят къачузва. Сифтедай за ДР-дин халкьдин депутатрин Сулейман-Стальский райондин исполком арадал атуникай ва адан кIвалахдикай куьрелди кхьида. Делилар 2002-йисан 16-сентябрдиз райадминистрациядин архивдин отделдин заведующий Роза Исламовадин къул алай справкадай къачунва.

Гьа икI, 1921-йисуз Куьредин окружной исполком тешкилна, адак Кьасумхуьруьн, Мегьарамдхуьруьн, Кьурагьрин, Агъулрин, Табасаранрин районар акатзавай.

Кьасумхуьруьн рабочийринни лежберрин депутатрин ва красноармейский депутатрин райондин Советдин исполнительный комитет 1929-йисан 3-июндиз Куьредин округдин тIвар Кьасумхуьруьн район лагьана дегишарунихъ галаз алакъалу яз ВЦИК-дин постановленидалди тешкилна.

1969-йисуз РСФСР-дин Верховный Советдин Президиумдин Указдалди, адаз халкьдин депутатрин Сулейман-Стальский райондин исполнительный комитет лагьана тIвар гана.

1993-йисан 1-ноябрдилай чкадин самоупраленидин органра дегишвал туна цIийикIа туькIуьрун себеб яз Сулейман-Стальский райондин халкьдин депутатрин Советдин исполкомдин бинедалллаз Сулейман-Стальский райондин администрация арадал атана.

Алай вахтунда райадминистрациядик хуьрерин 16 администрация акатзава, анра (2002-йисан 1-январдин делилралди) 54418 кас агьалияр яшамиш жезвай.

Райондин территориядал 39 хуьр, хуьруьн майишатдин 28 кархана (совхозар, колхозар, акционервилин обществояр, унитарный карханаяр) умуми образованидин 42 школа, музыкальный, художественный, спортдин школаяр, вузрин ва техникумрин филиалар, консервиярдай, минеральный ятар акъуддай «Рычал-су» ва маса заводар ала.

Районда хуьрерин депутатрин Советрикай сифтебурукай яз тешкилайди Кьасумхуьруьн халкьдин депутатрин Совет я. 1995-йисан 24-июлдиз Сулейман-Стальский райондин администрациядин архивдин отделдин заведующий Роза Исламовадин къул алаз ганвай справкада Кьасумхуьруьн Совет тешкилай вахт 1921-йисан 20-январь яз къалурнава. Гьа вахтунда адаз Кьасумхуьруьн рабочийрин, лежберрин ва красноармейский депутатрин совет ва адан Куьре округдин Гуьнейский участкадин исполком лугьузвай.

1993-йисан 1-ноябрдилай, самоуправленидин органра дегишвал туна цIийикIа туькIуьрун себеб яз, Кьасумхуьруьн хуьруьн халкьдин депутатрин советдин чкадал Кьасумхуьруьн хуьруьн администрация арадал атана (1993-йисан 22-октябрдин Верховный Советдин ва 1993-йисан 1-ноябрдин халкьдин депутатрин райсоветдин 182-нумрадин Постановленияр).

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

6