Хъсан пешекардиз – грамота

Чи корреспондент Хазран Кьасумова янавай шикилдай квез аквазвайди А. Саидован тIварунихъ галай Эминхуьруьн школадин сифтегьан классрин муаллим Гуьлханум Наврузова я.

КIвалахдин гзаф йисарин тежриба авай муаллимди вичин дерин чирвилер неинки школада, гьакIни районда тухузвай образованидин мярекатрани къалурзава. Г. Наврузовади райондин сифтегьан классрин муаллимрин методический объединенидин кIвалахдани активвилелди иштиракзава.

«Сифтегьан школадин тарсара кIвалахдин адетдинбур тушир къайдаяр» темадай райондин семинарда мастер-класс къалурунай Г. Наврузова райондин образованидин управленидин начальник Гь. Шихбабаеван къул алай грамота гуниз лайихлу хьана. И агалкьун адаз школадин директор Р. Османова мубаракна, тежрибалу муаллимдин лайихлувилер, адахъ школада аялриз чирвилер гунин карда жезвай агалкьунар къейдна.

Х.Кьасумов