Меню
6+

Сетевое издание «Кюре»

11.03.2022 10:14 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Комиссиядин заседание хьана

Алатай гьафтеда Сулейман-Стальский райондин Кьил Нариман Абдулмуталибован регьбервилик кваз 2022-йисуз сад лагьайди тир районда кардик квай терроризмдиз акси комиссиядин (АТК-дин) заседание кьиле фена. Анал алай 4 месэладай жаванринни жегьилрин ва масанрай куьч хьана атанвайбурун арада терроризмдин ва экстремизмдин вилик пад кьунин рекьяй профилактикадин серенжемар тухунихъ галаз алакъалу къайдаяр хуьдай органрин, образованидин управленидин, диндиз талукь тир ва общественный организацийрин векилри тухвай кIвалахдикай гьахъ-гьисабар авуна ва вилик акъвазнавай везифайрикай лагьана.

Заседанидал, кьилди къачуртIа, Россиядин МВД-дин ДР-да авай Сулейман-Стальский райондин ОВД-дин ПДН-дин старший инспектор Валерий Ибрагьимов, Росссиядин УФСИН-дин УИИ-дин ФКУ-дин Сулейман-Стальский районда авай межмуниципальный филиалдин начальник Ромик Гьабибов, райондин образованидин управленидин начальник Гьуьсейн Шихбабаев, образованидин управленидин патав гвай ИМЦ-дин директордин заместитель Венера Абдуселимова, Культурадин отделдин начальникдин заместитель Жабир Султанов, спортдин, туризмдин ва жегьилрин

крарай Комитетдин директордин заместитель Чингиз Абдулмежидов, жегьилрин парламентдин председатель Фарид Девлетханов ва райондин имамрин Советдин председатель Гьасан Амаханов рахана.

Заседанидин нетижаяр кьуналди, райондин Кьил Нариман Абдулмуталибова эхиримжи йикъара Украинада арадал атанвай гьаларикай лагьана, райондин агьалийри Россиядин Президент Владимир Путинан эвер гунин ва Донецкдинни Луганскдин республикайрин патахъай уьлкведин руководстводи тухузвай серенжемрин тереф хуьзвайди къейдна.

- Чи везифа терроризмдин ва экстремизмдин вилик пад кьуникай, районда яшайишдин хъсан, сагъ-сагъламат гьалар хьун таъминаруникай ибарат я, — къейдна Нариман Абдулмуталибова.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

11