Меню
6+

Сетевое издание «Кюре»

11.03.2022 10:32 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Школьникрин олимпиада тухуда

Мергьеметлувилин маса проектрихъ галаз санал, «ЛЕКИ» фондуни гьар йисуз дидед чIалай олимпиада тухунни адетдиз элкъвенвай кар я.

Олимпиада республикадин «Лезги газетдин» редакциядинни Сулейман-Стальский райондин администрациядин куьмек галаз 20-мартдиз Эминхуьруьн юкьван школада кьиле тухуда.

Олимпиадада Дагъустандин Кьиблепатан районрин ва шегьеррин умуми образованидин учрежденийра 11-классра кIелзавайбурувай иштиракиз жеда.

Важиблу шартI – гьар са школадай анжах са кIелзавайда иштиракда.

Приздин чкаяр 10 жеда:

1-чка – 25000 манат; 2-чка – 20000 манат; 3-чка 15000 манат; 4-чка – 12 000 манат; 5-чка – 10000 манат; 6-чка – 8000 манат; 7-чка – 6000 манат; 8-чка – 4000 манат; 9-чка – 3000 манат; 10-чка – 2000 манат.

Пулдин призрилай гъейри, «ЛЕКИ» фондуни ва «Лезги газетдин» редакцияди гъалибчийриз дипломар, пишкешар, лезги писателрин ктабар гуда.

Чухсагъулдин чарар ва пулдин призар кIвенкIвечи чкаяр кьурбурун муаллимризни гуда.

Суалар арадал атайбурувай агъадихъ галай телефондиз зенг ийиз жеда: 8-967-7777-320.

Х. Гьажибалаев

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

9