Меню
6+

Сетевое издание «Кюре»

11.03.2022 10:18 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Важиблу месэлайриз килигна

И йикъара райондин Кьил Нариман Абдулмуталибован регьбервилик кваз ГИС ЖКХ (Государственная информационная система жилищно-коммунального хозяйства ) ва ФИАС (федеральная информационная адресная система) вилик акъвазнавай (актуальный) информациядалди таъминарунин месэлайрай совещание кьиле тухвана.

Совещание гегьенш составда аваз кьиле фена. Аниз Кьасумхуьруьн поселенидин администрациядин ва ресурсралди таъминарзавай организацийрин («Газпром Межрегионгаз Махачкала» ва «Россети Северный Кавказ-Дагэнерго», гьакIни и жигьетдай талукь тир райондин къуллугърин (ТИК, УСЗН ва «Касумкентсервис» ООО-дин векилризни теклифнавай.

Ачух суьгьбетдин къайдада кьиле фейи совещанидал и жигьетдай хциз акъваззай месэлаяр веревирд авуна. Кьилди къачуртIа, ихтилат талукь тир организацийри ва ведомствойри агакьарзавай делилар ЖКХ-дин ГИС-да актуализация авун патал делилар гьар кварталдиз агакьарунин мумкинвилерикай фена. И кардини «Парус» къурулушда гъалатIриз рехъ гун арадай акъуддайдини къейдна. Ихьтин делилар (база) сергьятдин сечкидин комиссияда жеда.

Информациядин къурулушра кIвалах тухунин рекьяй жавабдарри организацийрин пешекарри къурулушдиз делилар ягъунин жигьетдай кIвалах акьалтIаруниз кьецI гузвай са кьадар татугайвилерни къейдна. Абурни гьа жигьетдай яз адресар Гьукуматдин реестрда информация авачиз хьунихъ галаз алакъалу я.

Хуьрерин поселенийрин адресдин характеристикада ва майишатдин кIвалахда къайда тунин жигьетдай бес кьадар кIвалах тухун тийизвайди фикирда кьуна, райондин Кьил Нариман Абдулмуталибова УЖКХ-диз, УМИЗ-диз, архитектурадин ва градостроительстводин отделдиз, жавабдар маса къуллугъриз алай месэлайрай кIвалах еридивди кьиле тухун патал АСП-риз куьмек гун меслят къалурна ва са жерге маса тапшуругъарни гана.

А. Камилов

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

7