Меню
6+

Сайт «Кюре»

08.04.2022 10:55 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Гатфарин призыв - 2022

Ингье, тIебиатдин гуьзел вахтарикай сад тир гатфарни алукьнава, адахъ галаз сад хьиз, 18 йисалай 27 йисал кьван фидалди яшар хьанвай жегьилар чи уьлкведин Яракьлу Къуватриз къуллугъ ийиз рекье твадай гатфарин призывдин вахтни алукьнава.

И кIвалах тешкилнавай гьалдикай ва Россиядин Яракьлу Къуватри Украинада кьиле тухузвай махсус операциядикай суьгьбет авун чна Сулейман-Стальский ва Кьурагь районрин саналди тир военкоматдин военный комиссар подполковник Женетов Рейзудин Сейфулаевичавай тIалабна. Агъадихъ чна адан суьгьбет гузва.

- РФ-дин Президент Владимир Путина алай йисуз акъуднавай Указдин бинедаллаз 1-апрелдилай 15-июлдалди 18 йисалай 27 йисал кьван фидалди яшар хьанвай жегьилар Россиядин Яракьлу Къуватра къуллугъ ийиз рекье тунин ва чпин къуллугъдин гьакъикъи вахт куьтягь хьанвайбур военный частарай ахъаюнин жавабдар кIвалах кьиле фида.

Чпин хивевай ватандашвилин буржи намуслувилелди кьилиз акъудзавай чи ватанэгьлийри къуллугъзавай военный частарай абурун командиррилай аскеррин диде-бубайрин тIварцIихъ, абуру кIелай школайриз ва абур армиядиз рекье тур военный комиссариатдиз Чухсагъулдин чарар хквезва.

Уьлкведин Президентдин Указдихъ галаз кьадайвал, ДР-дин Кьили республикада 1-апрелдилай вири районра, гьа гьисабдай яз чи ва Кьурагь районрани, призывдин ва медицинадин комиссияр тешкилунин жигьетдай распоряжение акъуднава. Адан бинедаллаз чи райондани райондин Кьил Нариман Шамсудинович Абдулмуталибов председатель яз призывдин комиссия, гьар рекьерай призывникрин сагъламвилин гьал ахтармишдай ва талукь къарар акъуддай пешекар духтуррикай ибарат тир медкомиссияни тешкилнава.

Гатфарин призывдин вахтунда чи ва Кьурагь районрай вири санлай кьурла 70 касдилай виниз жегьилар къуллугъ ийиз армиядин жергейриз рекье твада.

Идахъ галаз сад хьиз, чна военный училищейриз ва институтриз кIелиз физ кIанзавайбурун (11-классра кIелзавайбурун) арзаяр кьабулда ва жедай вири куьмекар гуда.

Контрактникар яз физ кIанзавайбур чна призывдин вахтунда армияда къуллугъна хтанвайбур рекье твазва.

Украинада кьиле физвай махсус операциядикай лагьайтIа, ам планламишнавайвал эхирдалди кьилени тухудайди я. Амма гьайиф хьи, и дяведа телефвилерни жезва. ИкI, чи райондайни 2 кас — Бабаев Аллаудин ва Мегьамедов Аслан (сад офицер, муькуьдини контрактник) и дяведин къурбандар хьана, женнет кьисмет хьурай чпиз!

ИкI, апрелдин сифтегьан йикъалай эгечIна районда гатфарин призыв башламиш хьанва, призывникар медицинадин рекьяй райондин ЦРБ-да ахтармишунар кьиле фида.

- Маракьлу суьгьбетдай чухсагъул, гьуьрметлу военный комиссар.

Квез ва Куь коллективдиз 8-апрель – военный комиссариатдин югъ мубаракрай!

Суьгьбет кхьейди – Абидин Камилов

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

9