РФ-дин Посолдиз – «Дуствилин орде

Россиядин Президент Владимир Путина 2022-йисан 2-июндиз 337-нумрадик кваз акъудай къарардалди Замбияда РФ-дин Чрезвычайный ва Полномоченный Посол Азим Алаудинович Ярагьмедоваз «Дуствилин орден» гана. Ихьтин чIехи наградадиз ам Россиядин къецепатан политикадин курс кьилиз акъудуник еке пай кутунай ва гзаф йисара гьакъисагъвилелди дипломатвилин рекье къуллугъ авунай лайихлу хьана.

Къейд авун лазим я хьи, А. Ярагьмедов 1960-йисуз Кьасумхуьрел дидедиз хьана. Адахъ кьилин са шумуд образование ава, ам политический илимрин кандидат я.

1993-йисалай Азим Алаудинович Ярагьмедов дипломатвилин кIвалахдал ала: Азербайжанда Россиядин посолстводин советник, Тажикистанда Россиядин посольстводин советник, Тажикистанда Россиядин МИД-дин отделдин начальник, Тажикистандин Ходжент шегьерда Россиядин генеральный консул.

2015-йисуз А. А. Ярагьмедов Эритреяда Россиядин Посолвиле тайинарна.

Алатай йисалай инихъ Азим Алаудиновича Замбияда Россиядин Посол яз къуллугъзава.

Сулейман-Стальский райондин гьакимри ва вири агьалийри чи баркаллу районэгьли Азим Ярагьмедоваз гьукуматдин чIехи награда мубаракзава.