Хайи югъ мубаракна

Сулейман-Стальский райондин информационный агентстводин руководитель, ДР-дин искусствойрин лайихлу деятель Гуллер Камиловадиз вич хайи югъ райондин Кьил Саид Темирханова, адан заместителри ва райадминистрациядин къурулушдин подразделенийрин руководителри рикIин сидкьидай мубаракна. Абуру адан пешекарвилин девлетлу тежриба, яратмишунин кьетIенвилер, журналистикадин рекьяй адан гегьенш чирвилер къейдна, адахъ мягькем сагъламвал ва вири крара агалкьунар хьана кIанзавайди лагьана.

Къейд: Камилова Гуллер Айдунбековнади республикадин журналистика вилик тухуник вичин еке пай кутуна. Ада культурадин ва телевиденидин хилера 35 йисалай виниз вахтунда намуслувилелди кIвалахна. Гзаф йисара ада «Дагестан» РГВК-да телевиденидин проектар кьиле тухвана. Ам телевиденидин са жерге документальный фильмайрин, телепередачайрин, гьа жигьетдай яз «Созвездие Алкадари», «Поколение», «Герои страны гор» ва маса кIвалахрин автор я.

Чи райондиз кIвалахдал хуькведалди ада «Россия – моя история» Тарихдин паркуна илим чукIурунин кIвалах кьиле тухузвай.