Наркоманиядиз акси комиссиядин заседание

Алатай гьафтеда Дагъустан Республикадин Гьукуматдин Председателдин заместитель Рамазан Жафарован регьбервилик кваз ДР-дин наркоманиядиз акси комиссиядин заседание кьиле фена.

ВКС-дин къайдада заседанидин кIвалахда Сулейман-Стальский райондин Кьил Саид Темирханова ва общественный хатасузвал хуьнин рекьяй райадминистрациядин Кьилин заместитель Абуталиб Фатулаева иштиракна.

Заседанидал алай месэлайрай, Рамазан Жафаровалай гъейри, ДР-дин здравоохраненидин министр Татьяна Беляева, жегьилрин крарин рекьяй министр Камил Саидов, МВД-дин ДР-да авай УКОН-дин начальник Мустангер Муминов ва маса юлдашар рахана.

Заседанидин нетижайрай талукь къарар кьабулна, ам доклад гьазурун патал ДР-дин Кьил, наркоманиядиз акси республикадин комиссиядин председатель Сергей Меликовал агакьарна.