РикIел хуьнин ва гъамлувилин митинг

РикIел хуьнин ва гъамлувилин юкъуз «Вечный огонь» мемориалдал Сулейман-Стальский райондин Кьил Саид Темирханов кьиле аваз официальный ксарин, общественный организацийрин, культурадин ва образованидин учрежденийрин векилрин митинг кьиле фена. Абуру райондин Баркалладин обелискдал цуьквер ва цуькверин таж эцигна, са декьикьада кисна акъвазуналди, фронтда телеф хьайи ветеранар рикIел хкана.

Митингдин иштиракчийри къейд авурвал, дяведин йисара цIудралди кьегьалри чпин чанарилайни гъил къачуна, Ватандин аслу туширвал хвена, Гъалибвал къачуна. Гьавиляй и югъ рикIел хуьнин ва гъалибвилин югъ яз къейд ийизва. И кар чна акьалтзавай несилдал агакьарун лазим я.