Меню
16+

Сетевое издание «Кюре»

28.05.2018 14:15 Понедельник
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Куьруь хабарар

Арендадин участокда

Эминхуьряй тир Алимет Алагьвердиева яргъал йисара «Аламишинский» совхозда бригадирвиле, кьилин агрономвиле кIвалахна.

Эхиримжи йисара ада 8 гектар чил арендада къачуна, ана уьзуьмлухар кутуна.

Чешнелу гелкъуьн тешкилнавай уьзуьмлухар хъсан гьалда ава. Анра шпалерар ремонтна, жергейрин араяр цана, тегьенгрин пунариз пер яна акьалтIарнава, алай вахтунда уьзуьмлухриз ятар гузва, азаррин ва зиянкар гьашаратрин аксина дарманар язава.

Алай йисуз А. Алагьвердиеван кIвачихъ галай уьзуьмлухрин гьар са гектардай 90 центнердилай тIимил тушиз ципицIар кIватI хъийидай къаст ава.

КIвалахда чешне я

Чилел зегьмет чIугвазвай инсандиз вири девирра гьуьрмет хьайиди я, гилани ава. Эминхуьряй тир Зангиев Наби зегьметди аферин гъанвай ксарикай сад я. Ада уьзуьмлухрани багълара тухузвай кIвалахра чешне къалурзава. И йикъара ам Агъамирзоев Алимирзедин кIвачихъ галай уьзуьмлухриз гатфарин ятар гунал машгъул я. Куьруь са вахтунда и серенжем 5 гектарда кьиле тухванва.

Н. Зангиев гьакIни тегьенгар обрезка ийидай устадни я. Санлай къачурла ада цIи 4000-далай виниз тегьенгар обрезка авуна.

Х. Гьажибалаев.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

8