Меню
16+

Сетевое издание «Кюре»

07.10.2019 15:19 Понедельник
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Гуьлжагьанан «Уьмуьрдин рекьер»

Махачкъалада кардик квай «Мавел» ООО издательствода Гуьлжагьан Мисрихановадин «Уьмуьрдин рекьер» тIвар алай цIийи ктаб чапдай акъатна.

Къейд ийиз кIанзава хьи, Г. Мисриханова 1958-йисуз КIах-цугърин хуьре дидедиз хьана. Алай вахтунда ада Голландияда яшлубурухъ галаз алакъалу идарада кIвалахзава.

ЦIийи ктаб Лезги писателрин Союздин правленидин Союздин председатель Максим Алимова «Рехъ физвайда атIуда» кьил алаз кхьенвай сифте гафунилай башламиш жезва, ана Г. Мисрихановадин уьмуьрдин рекьикай, яратмишунрикай суьгьбетзава. Кьилди къачуртIа, М.Алимова кхьизва: «… Шаирдин кьилин темаяр ватандикай, муьгьуьббатдикай, тIебиатдикай арадал атанва. Автор гзаф йисара хайи чиливай, хуьруьвай ва чIехи Ватандивай яргъа мензилра, къариблухра хьайивиляй, адан шиирра пашманвилин, гьайифдин, рикIин дарихвилин гьиссери гзаф чка кьунва».

«Уьмуьрдин рекьер» ктабда Гьуьлжагьан Мисрихановади эхиримжи йисара кхьенвай 107 (лезги чIалал) шиир ва Максим Алимова урус чIалаз таржума авунвай адан 38 шиир, гьакIни «Келимаяр», «Фикирар – хиялар», «Са кIус хъвер» рубрикайрик кваз ганвай прозадин эсерар (камаллу келимаяр, юморескаяр, ажайиб фикирар) гьатнава. Ктабда абур «Зи вил хьанва Ватандихъ», «Дуьнья я ман», «Яшайишдин нехишар», «Тар-жумаяр» кьилерик кваз ганва.

ЦIийи ктаб акъатун мубарак авуналди, чаз Гуьлжагьан Мис-рихановадихъ яратмишунрин рекье мадни еке агалкьунар хьана кIанзава.

Х. Кьасумов

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

0