Меню
16+

Сетевое издание «Кюре»

07.10.2019 15:39 Понедельник
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Виниз тир къимет гана

И йикъара Кьасумхуьруьн телевиденидин (КТВ-дин) студияда РФ-дин ва ДР-дин культурадин лайихлу работник, РФ-дин журналистрин Союздин член Фатах Ханжанович Къурбанова Дагъустандин халкьдин шаир Ст1ал Сулейманан 150 йисан юбилейдиз талукь яз гьазурнавай «Ст1ал Сулейманан шииратдин симер» фильмдиз килигунин мярекат кьиле фена.

Ана Фатах Къурбанова ва райондин телевиденидин, Куьредин хабарар» газетдин журналистри, яратмишдай интеллигенциядин векилри иштиракна. Абур фильмдиз дикъетдивди килигна. Адалай гуьгъуьниз фильмдин автор Фатах Къурбанован, Дагъустан халкьдин шаир Майрудин Бабаханован, РФ-дин писателрин Союздин член, шаир Сажидин Саидгьасанован, РФ-дин журна-листрин ва лезги писателрин Союзрин членар тир Абидин Камилован ва Хазран Кьасумован иштираквал аваз «элкъвей стол» тешкилна, фильмдин презентация кьиле тухвана.

Сифтедай Фатах Къурбанова Ст1ал Сулейманан юбилейдиз талукьарнавай фильм гьазу-руникай, баркаллу и кардик еке пай кутур ксарикай гегьеншдиз суьгьбетна.

Гуьгъуьнлай яратмишдай интеллигенциядин векилри фильмдиз еке къимет гана, адан хъсан терефар, лайихлувилер къейдна, баркаллу кардай Ф. Къурбановаз чухсагъул лагьана.

Х. Гьажибалаев

Шикилда: «элкъвей стол» кьиле физвай вахт.

Шикил ягъайди М. Мусаев

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

12