Меню
16+

Сетевое издание «Кюре»

21.11.2019 14:29 Четверг
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

«Куьредин хабарар» газет гьар са хизанда жен!

Гьуьрметлу районэгьлияр ва газет кIелзавайбур! Ингье, 20I9-йисни акъатзава. Идахъ галаз сад хьиз, 2020-йис патал газетарни журналар подписка ийидай вахтни алукьнава.

Зи фикирдалди, райондин гьар са агьалиди сифте нубатда жуван хайиди тир райондин печатдин орган яз акъатзавай «Куьредин хабарар» газет кхьин лазим я.

За газет кхьиз са шумуд йис я, адахъ галаз сих алакъани хуьзва. За квез рикIел гъил эцигна лугьузва: газет гьам еридин, гьам адан чинриз акъатзавай макъалайрин жигьетдай хъсанди, тариф авуниз лайихлуди я. Газетди вичин кIелзавайбур районда кьиле физвай мярекатрикай, уьмуьрдиз кечирмишзавай программайрикайни проектрикай, инсанрин баркаллу крарикай, халкьдин тIал алай месэлайрикай… хабардар ийизва. Мадни, газетдиз акъатзавай макъалайрикай инсанриз хийир, куьмекни жезва. ИкI, мисал яз, за кхьей макъала себеб яз дяведин ветеран Садыкьов Абдулан ери-бине гьинай ятIа чир хьана. Идакай адан багърийриз хабар авачир.

Зун яргъал йисара армиядин жергейра къуллугъ авур, райондивай яргъара яшамиш хьайи кас я. Алай йисуз «Куьредин хабарар» газетда «Райондин 90 йис» рубрикадик кваз гайи материалрай заз райондикай, кьилдин хуьрерикай, карханайрикай, тарихдин ва тIебиатдин гуьзел чкайрикай, райондай акъатай машгьур ксарикай заз икьван чIавалди чин тийизвай гзаф делилар чир хьана. Идай за газетдин редакциядин коллективдиз чухсагъул лугьузва.

Газет подписка авунин къиметни багьа туш – йис патал 678 манатни 14 кепек. Редакцияда кхьиз хьайитIа, къимет мадни ужуз акъваззава – йиса 300 манат.

Заз райондин агьалийрин вилик эвер гун гваз экъечIиз кIанзава: «Куьредин хабарар» газет – гьар са хизандиз!». Ша, гьуьрметлу районэгьлияр, чна гьар са касди райондин газет подписка авуник вичин пай кутан!

Абдулаким Гьажимурадов, Яракьлу Къуватрин отставкада авай полковник, райондин ветеранрин Советдин председатель

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

18