Меню
16+

Сетевое издание «Кюре»

23.12.2019 11:29 Понедельник
Категории (2):
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Несилри рикIера хуьзва

Райондин 90 йисан юбилейдихъ галаз алакъалу яз къе заз хайиди тир райондин экономика мягькемаруник еке пай кутур Нагъи Нагъиевич Ламетовакай куьрелди суьгьбет ийиз кIанзава.

«Инсанар гьамиша чан аламаз амукьдач, бахтлу кас вичин тIвар несилри рикIера хуьзвайди я», — кхьенай Алишер Наваиди. Лап гьахълу гафар я.

Н. Ламетов 1937–йисан 13-июндиз Агъа-Хъартасрин хуьре кесиб хизанда дидедиз хьана. Адан дах Нагъи дяведа игитвилелди телеф хьана. Гададиз дидеди тербия гана.

Уллу-Гъетягърин юкьван школа акьалтIарай Н. Ламетов 1955-йисуз Дербентдин хуьруьн майишатдин техникумдик экечIна. Анаг акьалтIарай жегьил пешекар Вини-Хъартасрин Куйбышеван тIварунихъ галай колхоздин агрономвиле тайинарна. Гуьгъуьнлай ада Дагъустандин хуьруьн майишатдин институтни акьалтIарна. 22 йисан яшда аваз Нагъи Ламетов Дзержинскийдин тIварунихъ галай колхоздин председателвиле хкяна. Са куьруь вахтунда ада колхоз районда кIвенкIвечийрин жергедиз акъудна. Гьа и лайихлувилериз килигна, колхоз «Айдинбековский» совхоздиз элкъуьрайла, Н. Ламетов цIийи совхоздин директорвиле тайинарна. Жавабдар и везифа ада 11 йисуз кьиле тухвана.

1974-йисуз Н. Ламетов райондин хуьруьн майишатдин управленидин кьилин агрономвиле, 1975-йисуз республикада вилик жергейра авайбурукай сад тир «Герейхановский» совхоздин 1-отделенидин управляющийвиле, I992-йисуз совхоздин профкомдин председателвиле тайинарна. И везифаярни Нагъи Нагъиевича намуслудаказ кьилиз акъудна. Яргъал йисарин бегьерлу зегьметдай адаз 1976-78-йисара «Соцсоревнованидин гъалибчи» знакар, гзаф кьадар грамотаяр, 1998-йисуз «Зегьметдин ветеран» медаль гана, ада ВДНХ-да иштиракна.

Нагъи Ламетов чи арада амачиз хейлин йисар я. ЯтIани адан инсанвилин ерияр, пешекарвилин дережаяр, производствода къазанмишай агалкьунар несилри рикIера хуьзва.

Лена Саидова

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

12