Выходцы из Сулейман-Стальского района в разных городах страны

Алай вахтунда гзаф лезги жегьилри уьлкведин жуьреба-жуьре шегьерра хкягъай пешедин рекьяй кIвалахзава, анра чпиз кIвал-югъ кутунва. Ихьтин хабарар чав Москва, Санкт-Пе­тербург, Краснодар хьтин чIехи шегьеррай иллаки гзаф агакьзава. Зи суьгьбетни уьлкведин меркезда хирург яз кIвалахзавай, вичихъ и рекьяй агалкьунар авай жегьил духтур Расим Назимович Гьажиевакай я.

Ам Сулейман-Стальский райондин Вини СтIалрин хуьре 1993-йисан 25-июлдиз къул-лугъчидин хизанда дидедиз хьана. Мектебда кIелайдалай кьулухъ, 2010-йисуз, Расим Дагъустандин гьукуматдин медицинадин академиядик экечIна ва 2016-йисуз ада анаг куьтягьна.

2017-йисалай ада Москвадин департаментдин 4-нумрадин Павловский азарханада хи­рург яз кIвалахзава. Жегьил пешекарди алай аямдин къайдайра жуь-реба-жуьре операцияр кьиле тухузва. Пешекарвилелди, намуслувилелди кIвалахунай адан зегьмет хейлин диплом-ралди, сертификатралди къей-днава. КIвалахунилай гъейри, Расим медицинадин илимдални машгъул жезва. И рекьяйни адахъ хъсан ва бегьерлу гележег жедайдак чна умуд кутазва.

Духтурди къейдзавайвал, ме­дицинадин пешекардиз, гьакъисагъвилелди инсанриз къуллугъ авунихъ галаз сад хьиз, чирвилерни тежриба хкаждай къастни хьун чарасуз я.

Ихьтин макьсад гьа сифте-дилай вичин вилик эцигай ада 2016-2018-йисара Москвадин Н. И. Пирогован тIварунихъ галай 1-нумрадин ГКБ-дин къвалав гвай Россиядин медицинадин ахтармишунрин милли уни-верситетдин ординатурада кIелна.

2018-йисуз жегьилди Россиядин О. Скобелкинан тIварунихъ галай федеральный меди­ко-биологический агентстводин лазердин меди-цинадин гьуку­матдин илимдин центрада лазердин хирургиядин рекьяй чирвилер къачуна. 2019-йисуз ада А.И.Бурназянан тIварунихъ га­лай ФМБЦ-да (Федеральный ме­дицинадин биофизикадин центр) прок-тологиядин, А.С.Логинован тIварунихъ галай МКНЦ-да (Мос­квадин клиникадин илимдин центр) ультразвуковой диагностикадин рекьяй пеше-карвал хкажна. Ам Россиядин хирургрин обществодин член я.

Расиман буба, стхани къайдаяр хуьдай органрин къуллугъчияр я, диде — духтур. Расима хирургиядин рекьяй кьиле физвай чIехи форумра, мярекатра активдаказ ишти-ракзава.

(Чи корр.)