Меню
6+

Сетевое издание «Кюре»

14.01.2020 11:41 Вторник
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

ЧIехи артист рикIел хкана

Малум тирвал, алай йисан 1-январдиз чи баркаллу районэгьли, Россиядин лайихлу артист, Дагъустандин халкьдин артист, бажарагълу шаир ва режиссер Абдулкъадир Сайдумович Сайдумов дидеди хайидалай инихъ 90 йис тамам хьанва.

Гьайиф хьи, ам 2002-йисуз начагъвиликди чи арадай фад акъатна. Амма чIехи бажарагъдин сагьиб тир ам къенин юкъузни хайи халкьдиз сейли яз ама. И кардин гьакъиндай адан хайи хуьр тир ДаркIуш-къазмайрин кьилин куьчедиз адан тIвар гуни ачух шагьидвал ийизва.

Гьар йисуз 1-январдиз, ам хайи юкъуз, регьметлуда вичел чан аламаз вичин дустариз веси авурвал, адан бажарагъдиз ва инсанвилин ерийриз гьуьрметзавай дустар и хуьруьн «ПIирен тамун» къерехда авай сурара фарикъат хьанвай чIехи артистдин сурал мугьман жезва ва ам рикIел хкизва.

Алай йисан 1-январдиз, хъсан адет хьанвайвал, кьиле адан руьгьдин стхайрикай сад тир Дагъустандин халкьдин шаир Майрудин Бабаханов аваз дустарин са десте – Шагьабудин Шабатов, Навои Бутаев, Азиз Мирзебегов, КТВ-дин къуллугъчи Мизамудин Магьмудов ва и цIарарин автор мугьман хьана. Адан экуь къамат, хьайи крар рикIел хкайдалай ва адаз бахшнавай шиирар кIелайдалай гуьгъуьниз абур Абдулкъадир Сайдумован уьмуьрдин юлдаш Якъут халадин гуьгьуьл кьаз адаз мугьман хьана.

А. Камилов

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

165