Меню
6+

Сетевое издание «Кюре»

18.10.2020 11:48 Воскресенье
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

ЦРБ-диз мугьман хьана

И йикъара райондин Кьил Нариман Абдулмуталибов райондин центральный больницадиз мугьман хьана ва больницадин кьилин духтур Жафер Къурбанисмаиловахъ галаз санал поликлиникадин, тади куьмекдин отделенидин шартIарихъ, абурун материально-технический база авай гьалдихъ галаз таниш хьана.

Ада анра авай шартIариз, кIвалахдин къайдадиз, тади куьмек гун тешкилунихъ галаз алакъалу тир бязи месэлайриз, медикаментралди таъминаруниз интерес авуна ва медперсоналдин кIвалахдин дережадиз къимет гана.

КьетIен фикир садлагьана кIевидаказ начагъ хьайибур кьабулунин месэладиз, гьа гьисабдай яз коронавирусдин хаталувиликай хуьнизни фикирдизни гана.

Къейд ийиз кIанзава хьи, тади куьмекдин отделение герек тир техникадалди, медикаментралди ва маса такьатралди таъмин я. Начагъбуруз хъсан дережа авай духтуррин бригадайри къуллугъ ийизва.

Нариман Абдулмуталибова медицинадин тади куьмекдин менфятлу къурулуш вилик тухунин важиблувал къейдна.

«Чна райондин медицинадин идараяр герек тир такьатралди таъминарунин, агьалийриз вахтундамаз куьмек гуз абурун гьазурвилин месэлайриз гьамиша еке фикир гузва.

Гьавиляй тади куьмекдин отделениди виниз тир гьазурвал къалурун герек я», — къейдна Нариман Абдулмуталибова.

И гуьруьшмишвилин вахтунда райондин Кьил больницадин кьилин духтурдихъ галаз санал компьютердин томограф патал кьилдин дарамат эцигиз чара авунвай чкадални фена.

Алай вахтунда адан проектдинни сметадин документация гьазурзава.

(Райондин сайтдай)

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

1