Меню
6+

Сайт «Кюре»

Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Инсанар ва кьисметар |Кьисметди тухвай рекьер

Кьисметди тухвай рекьера катиз жедач, гару ягъай пеш хьиз, ада вун вичиз кIани патахъ тухуда.

И мисалдин гьахълувал чаз лезги халкьдин векилар, чпин хайи ерийривай яргъа хьана, гзаф йисара гъурбатда яшамиш хьуни къалурзава. Шадвал кутадай кар я хьи, гзафбуру чеб яшамиш жезвай, кIвалахзавай чкайра, маса миллетрин арада гьуьрмет-хатур къазанмишзава, лезги адетар, бубайрин сеняткарвилер, къилихарни хесетар хуьзва. Гьа ихьтин инсанрикай садакай – яргъал йисара Туьркменистанда ва Къазахстанда жуьреба-жуьре къуллугърал намуслудаказ кIвалах авур кьегьал лезги хва Халилов Мирзебег Ашурбеговичакай чаз газет кIелзавайбуруз суьгьбет ийиз кIанзава.

М. Халилов 1940-йисуз Сулейман-Стальский райондин КIахцугърин хуьре дидедиз хьана. Адан дах Ашурбег 1943-йисуз Ватандин ЧIехи дяведа гел галачиз квахьна. Диде Эсли колхозчи тир.

Мирзебега КIахцугърин ва КьепIиррин школайра кIелна. Гуьгъуьнлай ада СССР-дин Министррин Советдин патав гвай Центральный статистикадин управленидин Грозный шегьердин учебный комбинатда, Чечено-Ингушский АССР-дин республиканский радиоклубдин курсара, Туьркмениядин энергетикадинни управленидин институтда, Туьркмениядин Чорджоу шегьердин комитетдин патав гвай Марксизмдинни Ленинизмдин университетда вичин чирвилерин дережа хкажна, са шумуд пеше къачуна.

За вилик Мирзебег Ашурбеговичан уьмуьрдин ва зегьметдин рехъ къалурзавай хейлин документар ква, за абур гъилелай ийизва, блокнотда къейдер кхьизва. Виридакай рахаз хьайитIа, макъала лап яргъиди жеда. Гьавиляй заз М. Халилован зегьметдин книжкадай са бязи къейдер гъиз кIанзава. ИкI, ада вичин зегьметдин рехъ 1961-йисуз Украинадин Луганск шегьердин Пархоменкодин тIварунихъ галай заводда электросварщиквиле кIвалах авунилай башламишна.

1964-1972-йисара М. Халиловакай Туьркменистан ССР-дин Челекентдин химический заводда КИП и А-дин слесарь, СССР-дин нафтIадинни химиядин министерстводик акатзавай Люберецкдин «ОРГХИМ» трестда инженер, Челекендин

ДОСААФ-дин клубдин преподаватель, 1972-йисалай 1976-йисалди Къазахстандин «Казмонтажавтоматика» трестдин Алма-Атадин ПНУ-да старший инженер, 1976-йисалай 1991-йисалди Туьркмениядин «Казмонтажавтоматика» трестдин прораб, кьилин инженер, управленидин начальник хьана.

1991-йисалай 2015-йисалди Мирзебег Ашурбеговича вичин кьисмет «Автоматика» акционервилин обществодихъ галаз ала- къалу авуна.

- «Автоматика» АО виликан «Казмонтажавтоматика» трестдин бинедаллаз, Советрин Союз чкIуникди, арадал атай организация я, — лугьузва ветеранди. – Виликдай трестдин, подряддин организация яз, Къазахстан, Узбекистан, Киргизия, Тажикистан, Туьркмения ССР-ра кIвалахзавай, ада 20-далай виниз металлургиядин, нафтI гьялдай, азотдин миянардай шейэрин, алюминийдин, гуьзгуьйрин, радиолампайрин, химиядин заводарни комбинатар тадаракралди таъминарзавай. 1994-йисуз трестдин Къазахстан Республикадин территориядал алай монтаждин 6 управленидин бинедаллаз «Автоматика» ЗАО тешкилна, 2004-йисан 21-декабрдилай адакай «Автоматика» АО хьана.

Мирзебег Халилова «Автоматика» акционервилин обществода филиалдин директорвиле, Къазахстандин рагъакIидай пата менеджервиле, генеральный директордин заместителвиле, технический директордин заместителвиле – региональный векилвиле, АО-дин электролабораториядин технический директорвиле кIвалахна. Баркалла алаз, аферин лугьудайвал.

М. А. Халилован яргъал йисарин намуслу зегьмет Туркмениядин ССР-дин Верховный Советдин Президиумдин, «Казмонтажавтоматика» трестдин, Чарджоудин суперфосфатный заводдин, Къазахстандин «Монтажспецстрой» компанидин патай Гьуьрметдин грамотаяр, 1986-йисуз «Зегьметдин ветеран» медаль, 1977-1980-йисара «Социалистический зегьметдин гъалибчи» знакар гуналди къейднава.

2015-йисуз хайи ватандиз хтай Мирзебег Халилов Кьасумхуьрел (ЦIийи хуьре) яшамиш жезва. Ферли 3 веледди, 16 хтулдини птулди зегьметдин ветерандиз рикIин шадвал.

Хазран Кьасумов

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

27