Меню
6+

Сетевое издание «Кюре»

21.11.2020 22:05 Суббота
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Конкурсдиз Терроризм – им мусибат

Терроризм – им мусибат, бедбахтвал, ажалсуз кьиникь, цIай, тIурфан я.

Терроризм. Са и гафуни инсанрик кичI, къурхулувал кутазва. Терроризм – им мусибат, бедбахтвал, ажалсуз кьиникь, цIай, тIурфан я. И чIуру ва туькьуьл хабарди агъзурралди инсанрин рикIер къарсурна. Гьайиф хьи, терроризм вуч затI ятIа, Дагъустанда, чи районда чизва, адан бедбахтвилер гзафбуруз акуна. Чи райондайни гзаф жегьилар фенва ва гзаф кьиникьарни арадал атанва. Гьикьван чи дидеяр, вахар, сусар чIулаври кьуна? И чIуру кIвалахди тухумрал лекеяр гъизва. Ихьтин вахтара абуру дидеди чпел чIугур зегьмет рикIелай ракъурзава. Дидедин мез дарман я. Аял чIалал акьалтайла, адан мецел жезвайди, анжах «диде» лугьудай гаф я. Дидеди вичин велед вири бедбахтвилерикай хуьзва. Адаз чIуру – къени чирзава. Эхирни, женнет дидедин кIвачерик квайди, чна садрани рикIелай ракъурна виже къведач. Бес вучиз чи дидейри чIугур зегьмет рикIелай ракъурна, абур ясда твазва келлегуьзри? Велед гъиляй акъатайла, диде чан алаз сура гьатзава. Адаз экуь дуьнья мичIи жезва. Дидейрин рикIериз килигайтIа, малаик гъавурда гьатда. Дугъриданни, диде гьихьтин келимайрал вичин веледдихъ галаз рахайтIани, адан рикIе авайди анжах кIанивал я, вичин аял патал, адан гележег, уьмуьр, сагъламвал патал дидеди вичин чанни гуда. Чна, алай аямдин аялри, дидеяр хвена кIанда. Дидейриз хажалатар жедай кIвалахар авуна кIандач. Дидеди чун аял чIавуз хвейиди хьиз, чна абур хуьн чи эвелимжи буржарикай сад я.

Са шумуд йис идалай вилик гьихьтин гьалар авайди тиртIа, рикIел хкин: машинар гваз катунар, няни хьайидалай кьулухъ куьчедиз экъечIиз кичIевал, кIваляй экъечIна фейила, элкъвена ам хкведалди, рикIи – рикI нез, секинсузвал ва икI мад. Ихьтин вагьшивал авурбуруз халкьди лянет гъизва. Терг хьурай террористар, лугьузва.

Террористриз кIанзавайдини обществода кичI, къурхулувал, гьукумдихъ ихтибарсузвал тун, политикадин гьалар гуьнгуьникай хкудун я. Куьрелди, са чIавузни, уяхвал, мукъаятвал квадарна, къайгъусузвална виже къведач. Чна терроризм негь ийизва. Бубайрин мисалда лугьузвайвал: «Халкьдиз кIан хьайила, памбаг хак хьиз чилиз яда».

И чIуру рехъ хкязавай жегьилар, зи фикирдалди, уьмуьрдикай куьцIенвай, чпин уьмуьрдал наразибур я. Регьимлу, мергьеметлу, намуслу, итимвал квай савадлу инсанди масадал гъил хкаждач, чIуру кардал машгъул жедач, вични дуьз рекьяй экъечIдач. Намуссуз, инсафсуз, келлегуьзрилай алакьда ахьтин акьалтIай чIуру крар. Тербиядилайни гзаф аслу я. ГъвечIи чIавалай чпик миллетчивилин, экстремизмдин идеяяр, инанмишвилер

кужумнавайбур чIуру рекье гьатзава. Ихьтин хизанра чIехи хьайи жегьил – жаванри чпин диде – бубайрин чIехибурун «адетар» давамарзава.

Эхь, чна чи къуватар сад авун, сада – садаз яб гун, тупламиш хьун, чи алакъаяр мягькем хьун важиблу я. Чи бубайриз чна гьамиша чухсагъул лугьузва. Абуру акьалтзавай несил чпин халис гележег яз гьисс авуна. Эхь, чи къуват, чи садвиле ава. Къуй виринра ислягьвал, сагълам гьалар хьурай. Чаз терроризмдин мусибатар тахкурай, чи кьилел экуь, михьи цав, чун бахтлу кьисметдин сагьибар хьурай. Виридан къуватар сад авурла, тухузвай кIвалахдин нетижаярни хъсанбур жеда. Заз жува кхьей макъала шаир Сажидин Саидгьасанован шиирдин цIараралди акьалтIариз кIанзава.

Терроризма – завал я ам, ивияр

Экъичзавай, тахсир квачир инсанрин.

Я гьуьрметлу, азиз, масан лезгияр,

Ша, чна чи дуланажагъ хъсанрин!

Писвал авун Аллагьдизни дакIан я,

Чи арайра артух ийин гьуьрметар.

Ислягьвилин дережаяр кьакьан я,

Ислягьвилин рекье чIугван зегьметар!

Кхьейди ЦIийи хуьруьн юкьван школадин 11–классдин ученик Селягьов Рагьим Масимович я.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

11