Чи играми дидеяр

Пакизат Фатуллаева 1948-йисуз Дагъустан Республикадин СтIал Сулейманан райондин Агъа Макьарин хуьре дидедиз хьана. Ада Дагъустандин Огни шегьердин школа-интернат, Дагъустандин Гьукуматдин университет филологиядин факультетда ва Москвадин М. Горькийдин тIварунихъ галай литературадин институт акьалтIарна. Хейлин йисара ада «Дагъустандин дишегьли» журналдин редакторвиле кIвалахна. Редактор тир вахтунда адан къелемдикай чIагай макъалаяр, очеркар хкатна, маса чIаларай эсерар лезги чIалаз таржума авуна.

П. Фатуллаева цIудралди шииррин, поэмайрин ва абурукай ибарат кIватIалрин автор я. Адан эсерар урус чIалазни таржума авунва.