Меню
6+

Сетевое издание «Кюре»

04.12.2020 21:39 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Куьруь, амма баркаллу уьмуьрдин сагьиб

«Халкьдин далу хвейи хва…»

 Россиядин Игит Радим Халикьовакай писатель ва журналист Нариман Ибрагьимова кьилдин ктаб, чи гзаф шаирри поэмаяр, шиирар кхьенва. Газетрин ва журналрин чинриз Игитдикай акъатай макъалайрин, телеканалрай гайи передачайрин кьадарни гзаф я. Агъадихъ заз чи газет кIелзавайбурун фикирдиз Кьулан СтIалрин хуьряй тир яшлу шаир СтIал Мислимата «Игит Радим» кьил алаз кхьенвай шииррдай са шумуд бенд гъиз кIанзава:

Душмандикай Диде-Ватан

Хуьда лугьуз фейи хва…

Шуьшедин буй, къизилдин чан

Игит рекье гайи хва…

Вилик вегьез, кьулухъ катдай

Вагьшийриз на зур ганай.

Шумуд сефер гъиле гьатай

Алчахриз на кIур ганай!

Къагьриман хва, Ватандин рикI,

Дагъдин лекьрен иви квай,

Пай гана ваз игитвилин

Шарвилидин рикIикай.

Элдин маяк, Игит Радим,

Халкьдин далу хвейи хва…

Дустар рикIе тIал тур даим,

Дуьньядилай фейи хва…

Игит, вун чахъ галаз жеда

Женгерани суварик…

Къагьриман хва, вун кваз жеда

Шаиррин пак чIаларик!

Хазран Кьасумов, РФ-дин журналистрин Союздин член

Шикилда: Россиядин Игит Р. Халикьов; адан сурал гьамиша цуьквер ала

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

14