Меню
6+

Сетевое издание «Кюре»

07.12.2020 14:20 Понедельник
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Малум тушир аскердин йикъаз талукь яз

И йикъара Ц|ийи поселокдин юкьван школада малум тушир аскердин йикъаз талукьарнавай мярекат кьиле фена.

Ам анин 5"Б" классдин руководитель, хъсан тешкилатчи, лезги ч|алан муаллим Заира Селягьовади тешкилнавайди тир. 

Классдин сят башламишдалди гъилера цуькверин к|унч|ар авай аялар кьиле райондин дяведин ва зегьметдин ветерандин Советдин председатель Ислеман Ризаев, лезги писательрин райондин отделенидин председатель шаир ва журналист Абидин Камилов, школадин директор Бег Ягъибегов аваз дяведа телеф хьайи чи районэгьлияр эбеди рик|ел хуьнин лишан яз и хуьруьн кьилихъ эцигнавай гуьмбетдал фена.

Анал райондин ветеранрин Советдин председатель Ислеман Ризаева куьруь гаф рахайдалай гуьгъуьниз атанвай мугьманри гуьмбетдал цуьквер эцигна, дяведа телеф хьайибур рик|ел хкана, вири са декьикьада кисна  акъвазна.

5"Б" классда кьиле фейи малум тушир солдатдин йикъаз талукьарнавай мярекатдал аялри дяведикай чи шаирди кхьенвай шиирар к|елна, манияр яна, гъвеч|и сегьнеяр къалурна. Анал чпин фикирар ва меслятар, насигьатдин гафар гваз атанвай  мугьманар ва школадин директорни рахана. Санлай кьурла и мярекат метлеблуди хьана.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

29