Меню
6+

Сайт «Кюре»

17.03.2020 10:11 Вторник
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Дяведин йисарин къарарар

Чи халкьди, уьлкведин Яракьлу Къуватри ЧIехи Гъалибвал къазанмишайдалай инихъ саки 75 йис алатнаватIани, дяведин йисар, гьа йисара халкьдал ацалтай азиятар, фронтда чи аскерри къалурай кьегьалвилер, далу патан зегьметчийрин кIвалахар инсанрин рикIелай алатзавач.

Дяведин йисара районрин гьакимри авур крар, кьабулай къарарар ва маса чарар-документар къе тарихдиз элкъвенва. Амма гьа йисар рикIелай ракъурна кIандач, гьа йисарин крар-кIвалахар несилрилай несилрал агакьарун лазим я, чи бубайрин кьегьалвилер, дяведин йисарин вакъиаяр эбеди яз амукьдайвал. Агъадихъ заз газет кIелзавайбурун фикирдиз райондин архивдай къачунвай дяведин йисарин са шумуд къарар гъиз кIанзава.

«Зегьметдии низамдин гъакъиндай» райисполкомдин къарар. 1942-йисан 15-июнь.

Хуьрерин советрин ва комитетрин председателар мукьвал-мукьвал Кьасумхуьрел къвезвай вахтар хьуниз килигна Райсоветдин исполкомдин ва ВКП(б)-дин райкомдин бюроди къарар кьабулзава:

1. Хуьрерин советрин ва колхозрин председателриз райисполкомдин ва я ВКП(б)-дин райкомдин ихтияр авачиз Кьасумхуьрел атун къадагъа ийин.

2. Идарайрин ва организацийрин руководителар таъкимарин. Хуьрерин советрин ва колхозрин председателриз герек хьана Кьасумхуьрел эвер гудайла месэла райисполкомдин председателдал, ам авачир чIавуз адан заместителдал ва ВКП(б)-дин райкомдин секретаррал меслят гъин.

3. Райисполкомдин ва ВКП(б)-дин райкомдин ихтияр авачиз Кьасумхуьрел атай советрин ва колхозрин председателар чеб 1940-йисан 26-июндин Указдин бинедаллаз тахсиркарвилиз чIугвадайдан гъакъиндай таъкимарин.

Мурсалов, райисполкомдин председатель.

Капитонов, ВКП(б)-дин райкомдин секретарь.

«Глушковади (райплан) зегьметдин низам чIурайвилин гъакъиндай» РИК-дин къарар.

Райсоветдин исполкомди къарар акъудзава:

Глушковади 20 декьикьада кIвалахдал геж атунай, ада вич райздравотделдиз фенвайди лугьун фикирда кьуна, ам тагькимарин ва вич кIвалахдин патахъай масаниз фидайла исполкомдин общий отделдин зеведишдивай хабар кьун ва ктабда вич фейи вахт ва хтай вахт къейд авун лазим тирди къалурин.

Мурсалов, исполкомдин председатель.

А. Алиев, секретарь.

«Дмитрован тIварцIихъ галай колхоздин председатель хабар такьуна Кьасумхуьрел атунин гъакъиндай»

РИК-дин къарар 1942-йисан 8-июль.

Халкьдин депутатрин райсоветдин исполкомди къарар акъудзава:

1. Хабар такьуна Кьасумхуьрел атунай Дмитрован тIварцIихъ галай колхоздин председателдиз, сифте сеферда тахсир авунай туъгьмет ийин.

2. Ам, эгер адан патахъай мад ихьтин дуьшуьш хьайитIа, адаз кIеви серенжем кьабулдайдан гъакъиндай тагькимарин.

РИК-дин председатель А. Мурсалов.

РИК-дин секретарь А. Алиев.

Къейд: къарарар гьа йисара абур кхьенвайвал ганва.

Гьазурайди Хазран Кьасумов я

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

25