Меню
6+

Сайт «Кюре»

17.03.2020 10:13 Вторник
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Гъалибвилин рекье

Сулейман-Стальский (Кьасумхуьруьн) райондай дяведин йисара Советрин Армиядиз 3930 кас фена. Дяведа абурукай телеф хьана ва я гел галачиз 1832 кас квахьна.

Ватандин ЧIехи дяведин йисара Гъалибвилин югъ мукьва авун патал йиф-югъ талгьана гьакъисагъвилелди зегьмет чIугуна, чи Армия недай суьрсетдалди таъминарунин, гьакIни пулдин такьатар кIватIунин карда ватанпересвал къалурай райондин зегьметчийриз коммунистрин партияди еке къимет гана. И делилни республикадин центральный госархивдай жагъай документри тестикьарзава.

Гьукуматдин телеграмма.

Москва, апрель, 1943- йис.

ДАССР, Кьасумхуьр, ВКП(Б)-дин райком юл. Багьироваз.

Шамилан тIварунихъ галай танкарин колоннадиз 916 агъзур манат, Валентин Эмирован тIварунихъ галай женгинин самолетрин эскадрильядиз, 788 агъзур манат гунай ва Красный армиядин фондуниз 680 пут хуьруьн майишатдин продуктар ракъурунай Кьасумхуьруьн райондин зегьметчийриз зи стхавилин саламар ва Красный Армиядин патай чухсагъул кьабула.

Иосиф Сталин.

Дагъустан АССР-дай 1941-1945-йисара Советрин Армиядин жергейриз 238000 кас фена. Абурукай гуьгьуьллувилелди 15000 кас, дяведа телеф хьана 75000 кас, гьукуматдин орденар ва медалар га на 12000 кас диз, 56 кас Советрин Союздин Игитар хьана.

Ватандин ЧIехи дяведин йисара фашистри чи уьлкведии 1710 шегьер, 70 агъзурдалай виниз хуьрер, 32 агъзур промыншенностдин карханаяр чукIурна, 98 агъзур колхоз, 1876 совхоз тарашна. 10 агъзур больница, мектебар, культурадин идараяр тергна, хуьруьн майишатдиз 2 трилионни 270 миллион манатдин зиянар гана.

***

Дяведин далу пата чи дишегьлийри, аялри, яшлубуру чIугур зегьмет иллаки тариф авуниз лайихлу я. Абуру неинки фронтдиз фейи чпин гъуьлер, стхаяр, бубаяр эвезна, чи Армия патал суьрсет ва чими партал гьазурайди хьиз, оборонадин сенгерар эцигунин кардани чпин кьегьалвилер къалурна. Чи дишегьлийри 700 километр алай оборонадин еке метлеб авай 8 къанал ва 15 аэродром эцигна. И кьегьалвилерай 2000 касдиз Верховный Советдин Гьуьрметдай Грамотаяр гана.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

17