Дяведин ва зегьметдин фронтра
Са акьван чIехиди тушир Татарханрин хуьряй Ватандин ЧIехи дяведа 94 касди иштиракна. Женгера душмандиз къати ягъунар кьур Султан Агьмедов, Буба Бабаев, Абас Гьамзатов, Айбат Жаватов, Магьмуд Къафаров, Гьажи Букаров – санлай 70 татарханви фронтда игитвилелди телеф хьана.
Хуруйрал Ватандин ЧIехи дяведин 1, 2 ва 3-дережайрин, А. Невскийдин, «Красная Звезда» ва маса орденарни медалар алаз хтай Гьажикъурбан Гьажимегьамедов, Велимет Якьубов, Юсуф Жалилов, Муслим Жабраилов, Аслан Ханов – санлай 24 кас ислягь зегьметдив эгечI хъувуна.
Татарханвийри дяведин йисара зегьметдин фронтдани кьегьалвилелди зегьмет чIугуна. 11 итимди ва 6 дишегьлиди, хъуьтIуьн мекьивилериз таб гана, Хасавюртда ва масанра немсерин танкарин вилик пад кьадай дерин къаналар эгъуьнунин карда иштиракна. Абурукай яз чавай Агъакерим Шихкеримован, Агъабала Мамедован, Назук Хаматовадин, Ракъужат Мегьамедовадин, Айзанат Саидовадин, Мурсал Жаватован, Марият Мамедовадин ва масабурун тIварар кьаз жеда.
Дяведин четин йисара Татарханрин Ленинан тIварунихъ галай колхозди фронтдиз недай суьрсет, гуьлуьтар, бегьлеяр, алукIдай парталарни ракъурна.
Х. Кьасумов
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
