Меню
16+

Сетевое издание «Кюре»

20.03.2020 15:47 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Дагъви руш

Салимат Алдеровна Садулаева 1926-йисан 7-мартдиз Кьулан СтIалдал лежбердин хизанда дидедиз хьана. Ада вичин зегьметдин рехъ Кьулан СтIалрин халичаяр храдай фабрикада башламишна.

Ахпа, 1943-1944-йисара, райондин финансовый отделда налогрин агент, госстрахдин инспекциядин счетовод яз кIвалахнай.

Дяведин лап четин макъамда ада хуьруьн рушарин са дестедихъ галаз фронтдиз ракъурдай шарфар, сун гуьлуьтар, чантаяр хранай.

Абуру гьакIни Хасавюртда, Бабаюртда, Дербентда танкарриз акси сенгерар туькIуьриз, хаталувиликай хуьдай объектар эцигун патал къванер гъиз ва маса кIвалахар кьиле тухуз хьана.

Абуру суткада 15 сятина кIвалахзавай, норма 2,8 кубометр яз, рушари 3,5 кубометр чил эгъуьнзавай.

С. А. Садуллаевади кIвалах завай ротадиз уьлкведин Верховный Главнокомандующий И. В. Сталинан тIварунихъай чухсагъулдин чарни хтанай.

Саимат Алдеровнади 1944- йисалди фронтдин далу пата тухузвай кIвалахра иштиракна. Ада дяведин каш-мекьни, азият-зиллетни дадмишна.

1950-йисан 5-сентябрдилай 1981-йисан 5-ноябрдалди чи райондин райпода гьар жуьредин къуллугъар тамамарна. 1981-йисуз ам пенсиядиз экъечIна.

1966-йисуз адакай РСФСР-дин потребкооперациядин 4-съезддин делегат хьана.

С. А. Садуллаевадин гьакъисагъ зегьметдиз гьукуматди лайихлу къиметни гана. Ам «Зегьметда тафаватлу хьунай», «Гьакъисагъвилин зегьметдай», «Зегьметдин ветеран» медалрин, ДАССР-дин Верховный Советдин Гьуьрметдин грамотайрин, Дагпотребсоюздин, райподин грамотайрин, «ДАССР-дин общественный тIуьнрин ва алишверишдин лайихлу работник» лагьай гьуьрметдин тIварцIин, «Социалистический соревнованида гъалиб хьайиди» знакрин сагьиб тир.

Ада 3 гадани 3 руш чIехи авуна, гьарма сад чпин шегьре рекьел акъудна.

Гьайиф хьи, Саимат Алдеровна къе чи арада амач. 2010-йисуз ам рагьметдиз фена.

Ихьтин дагъви рушарни рухваяр тахьанайтIа, къенин чи несилри викIегьвилин чешнеяр нивай къачудай!?

Асият Мирзалиева

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

0