Меню
16+

Сетевое издание «Кюре»

20.03.2020 11:33 Пятница
Категории (2):
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Менфят къачун теклифзава

Эхиримжи вахтара Дагъустанда къвердавай гзаф абонентри ишлемишнавай газдин гьакъи кIваляй къецел экъечI тавуна гудай къайдадикай менфят къачузва.

ИкI, 2020-йисуз республикадин 2 агъзурдалай гзаф агьалийри и кар кьилиз акъудун патал лазим «Хсуси кабинетда» регистрация авунва, сервисди кIвалахиз башламишайдалай кьулухъ лагьайтIа, газдин 33 агъзур муьштериди ам ишлемишзава, хабар гузва «Газпром Межрегионгаз Махачкала» ООО-дин пресс-къуллугъди. Къулай тир онлайн-сервисдикай менфят къачузвайбурун кьадар гзаф хьун, гъавурда твазвайвал, и къайдадихъ са жерге артуханвилер хьун, кьилди кьачуртIа, ада вахт кьенят ийидай мумкинвал гун я. ИкI, ишлемишнавай газдин гьакъи гунин серенжем вини кьил пуд декьикьада тамамариз жезва. Эгер и кар нетижалудаказ кьилиз акъудиз алакьайтIа, абонентди къалурнавай электронный адресдиз электронный чек хкведа. «Хсуси кабинетди» абонентриз лицевой счет авай гьалдикай тамам делилар къачудай, ишлемишнавай газдиз талукь яз буржар алани, алачни чирдай, газдин счетчикрин рекъемар агакьардай, газдин гьакъи нагъд пул галачиз гудай, квитанцияр чапдай, выпискаяр туькIуьрдай мумкинвал гузва. И кар патал www.mkala-mrg.ru сайтда авай «Хсуси кабинетда» регистрация авун, я тахьайтIа мобильный телефонрин куьмекдалди «Зи ГАЗ» приложение ачухун (iOS ва Android системаяр патал фикирда кьунвай) бес я. Хсуси кабинет гьакIни агъадихъ галай ссылкадай ачухиз жеда: https://мойгаз.смородина.онлайн. «Газпром межрегионгаз Махачкала» ООО-ди рикIел хкизвайвал, ишлемишнавай газдин гьакъи вахт-вахтунда гун – им гьар са муьштеридин чарасуздаказ авуна кIанзавай кар я. Эгер касди газдин пул кьвед ва мадни гзаф варцарин вахтунда ганвачтIа, закондин бинедаллаз, газдалди таъминарзавай идарадиз ам газдин сетдикай атIудай ихтияр ава. Идаради къейдзавайвал, кIватI хьанвай бурж тамамдиз тагуникайни муьштери газдикай магьрумарун патал себеб жезва.

ООО «Газпром Межрегионгаз Махачкала»

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

3