Наркоманиядиз аксивал къалурзава

И кар аннамишун яз райондин администрацияди, гьакIни культурадин ва образованидин идарайри наркоманиядикай авай хаталувиликай гьар жуьредин мярекатар кьиле тухузва. ИкI, райондин центральный библиотекада, Эминхуьруьн, Зизикрин хуьрерин библиотекайра «Дорога, ведущая в пропасть», «Мир без наркотиков», «Не переступи черту» темайрай тухвай мярекатра яратмишдай интеллигенциядин векилри, кIелзавайбуру, РОВД-дин работникри иштиракна, абуру наркотикрикай авай зияндикай, и тIегъуьндин вилик пад кьун патал тухузвай кIвалахдикай метлеблу рахунар авуна.

Библиотекайра «Наркотикриз – ваъ», «Наркотикар галачир уьмуьр хкязава» кьилер алаз стендарни выставкаяр акъуднава.

Наркоманиядиз ак- си яз школайра тухузвай мярекатрин кьадарни гзаф я. Кьилди къачуртIа, эхиримжи вахтара Кьасумхуьруьн 1 ва 2-нумрайрин, ЦIийи поселокдин, Чуьхверхуьруьн, Сийидрин, Зизикрин школайра наркоманиядиз акси яз вечерар, классрин сятер, ачух тарсар тухузва. Муаллимрилай ва кIелзавайбурулай гъейри ихьтин мярекатра аялрин диде-бубайри, районда кардик квай терроризмдиз акси ва яш тамам тахьанвайбурун комиссийрин векилри иштиракзава.

Лагьана кIанда, районда наркоманиядиз акси тухузвай кIвалахди вичин хъсан нетижани гузва.

Х. Кьасумов