Дезинфекциядин кIвалахар
Муниципальный райондин Кьил Нариман Абдулмуталибован тапшуругъдалди коронавирусдин эпидемиологиядихъ галаз алакъалу яз ва хаталу инфекция чкIунин вилик пад кьунин сергьятра аваз рекьера, куьчейра, социальный объектра дезинфекция авунин кIвалахар давам жезва. Мукьвал йикъара Герейханован хуьруьн, Эминхуьруьн, ДаркIуш-Къазмайрин, Чуьхверхуьруьн куьчейра, пар карин зонайра, административный ва социальный объектра, абурун патарив гвай территорийра дезинфекциядин кIвалахар тухвана. И кIвалахар райадминистрациядин архитектурадинни эцигунрин ва ЖКХ-дин отделдихъ галаз санал «Районное ветеринарное управление» ГБУ-ди тухвана.
Коронавирусдин инфекция чкIунин вилик пад кьун патал райондин территориядал кIеви серенжемрал амал авунин къайда кардик ква. Санитариядин рекьяй серенжемар кьиле тухунихъ галаз санал, районда халкьдин арада гъавурда тунин кIвалахни гужлу авунва.
Районда коронавирусдин тIе гъуьндихъ галаз женг чIугунал вири къуллугъар машгъул я.
Х. Гьажибалаев
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
