Меню
6+

Сетевое издание «Кюре»

Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Майрудин БАБАХАНОВ, Дагъустандин халкьдин шаир

СУЛЕЙМАНАН ЧУЬНГУЬР

Н.Капиевади Расул Гьамзатовав хуьн патал С. Сулейманан чуьнгуьр вуганай.

Расул Гьамзат, чуьнгуьр вахце

Зав Сулейман бубадин:

Чи дерейра мад гьатнава

Ван халкьарин сузадин.

Алаш-булаш девир хьанва,

Гьахъни-дуван авачир.

Вегьез кьазва, кицI хьиз, ава,

КIуфал уьнуьг алачир.

Дерт къалуриз кIанзава заз

Куьрединни Къубадин,

Расул Гьамзат, чуьнгуьр вахце

Зав Сулейман бубадин.

Ам хурудал хкажда за,

Женгчи макьам къугъвада.

Адаз яб гуз, белки халкьдин

Дерт са тIимил хъукьвада.

Адав сир гва гьар лезгидин

ТIалдиз дарман-давадин.

Расул Гьамзат, чуьнгуьр вахце

Зав Сулейман бубадин.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

18