Меню
6+

Сетевое издание «Кюре»

Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Библиотекаяр мус арадал атана?

«Библиотека» — и гаф греческий чIалай «ктаб» ва «хуьзвай чка» гафарин бинедаллаз арадал атана. «Ктабар хуьзвай чкаяр» дегьзаманайрани авай.

ИкI, къадим Египетда сифтедай библиотекаяр килисайра авай. Къадим Грецияда сифте чIехи библиотека ачухай кас Аристотель яз гьисабзава. Римда чи эрадал къведалди 1-асирда библиотекайрикай диндиз къуллугъзавайбуру ва девлетлуйри менфят къачузвай.

Европада юкьван асирда библиотекаяр килисайра кардик квай. Къвез-къвез библиотекайрин кьадар артух жез башламишна.

Къадим Россияда сифте библиотека 1037-йисуз Ярослав Мудрыйди Киевда Софийский соборда ачухна.

Виридалайни гзаф ктабар I-Петридин тапшуругъдалди Петербургда кIватIна. 1725-йисуз абур илимрин Академиядив вахкана. Къенин юкъузни илимрин Академиядин библиотека алай вахтунда кардик квайбурукай виридалайни куьгьнеди яз гъисабзава.

1775-йис тарихда Москвадин университетда илимдин библиотека ачухай йис яз гьатнава.

ХVII-асирдин эхирра ктабар пулунихъ кIелиз вугузвай библиотекаяр ачухна.

1814-йисуз Петербургда Публичная библиотека ачухна. Ам революциядилай виликан Россияда виридалайни чIехиди тир.

Гуьгъуьнлай губернский ва уездрин библиотекаяр ачухна. Амма пачагьдин полицияди 1840-йисуз абур агална.

Къенин юкъуз виридалайни чIехи библиотека Румянцеван музейдин библиотека я. Ам Москвада 1862-йисуз ачухнай.

Аквазвайвал, библиотекайрихъ еке тарих ава. Квез пешекарвилин сувар мубаракрай, гьуьрметлу библиотекайрин работникар!

Хазран Кьасумов

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

2