Меню
6+

Сайт «Кюре»

Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Нубатдин заседанидал

2020-йисан 18-майдиз кьиле Нариман Абдулмуталибов аваз Сулейман-Стальский райондин коронавирусдин инфекциядиз акси оперативный штабдин онлайн-заседание кьиле фена. И заседанида хуьрерин поселенийрин кьилерини иштиракна.

Районда алай вахтунда авай гьалдикай ЦРБ-дин кьилин духтурдин везифаяр вахтуналди тамамарзавайди тир Жафер Къурбанисмаилова хабар гана. Адан гафарай кIвале сагъар хъийизвайбур 138 кас, гьабурукайни 25 кас тестикь хьанвай COVID-19, 64 кас азарлуйрихъ галаз алакъа хьайибур, 15 кас стIалжем хьанвайбур ва 33 кас духтурдин гуьзчивилик квайбур я. ЦРБ-да къаткана сагъар хъийизвайбур 40 кас стIалжем хьанвайбур ава.

Сифте кьилелай 303 кас ахтармишна вирус квани-квачни. 140 кас сагъ хъхьана, учетдай акъуднава. Гьар юкъуз 3-4 кас начагъбур духтурдиз гъизва. Абурун анализар Дербентдиз ва Махачкъаладиз рекье твазва. Стационарда къаткурдай чкаярни ава. Больница суьрсетдалди, дарманралди ва алукIдай садакай сад азарлу тахьун патал костюмралди таъминарнава. Начагъбурухъ галаз кIвалахзавай духтурар ва гелкъвезвайбур патал 204938 манат пулни республиканский бюджетдай хтанва. Федеральный бюджетдай 6800000 манат мед. оборудованидиз ва 2 миллион манат садакай сад начагъ тежедай шейэр къачун патал ахъайнава.

Заседанидал гьакIни райондин Кьилин заместитель Саид Темирханов, АТК-дин ведущий специалист Юзбег Юзбегов, Алкьвадрин хуьруьн поселенидин кьил Алим Гьуьсейнов рахана.

Эхирдай Нариман Абдулмуталибова МФЦ-да, Пенсионный фондуна аялриз гузвай пособийрин патахъай инсанар кIватI тахьун патал, полициядин работникриз таъкимарна. Халкь дуьз гъавурда тун патал, коронавирусдин инфекция акат тавун патал ихтибарвал хвена кIанзавайди ва гьакIни маскаяр, бегьлеяр ишлемишун герек тирди лагьана.

И йикъара чи райондиз меценат Сулейман Керимова, гос думадин депутат Гьажимурад Омарова, «Леки» фондуни чпивай жедай куьмекар гана. Райондин жемятдини и кардик чпин пай кутазва, больницадиз емишар ва недай хъвадай продуктар агакьарзава.

И мергьеметлу крарай райондин Кьили абуруз чухсагъул лугьузва.

С. Баламетова

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

1