Меню
6+

Сетевое издание «Кюре»

Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Цин къаналар къайдадиз гъизва

Республикадин ва муниципальный программаяр, инвестицийрин проектар кардик кутуни районда хуьруьн майишат вилик тухузва, йис-йисандавай уьзуьмлухрин, багъларин, саларин, техилар цазвай никIерин майданар артухарзава.

Хуьруьн майишатдин суьрсет гьасилзавайбур дигидай целди таъминарунилай хуьруьн майишат вилик фин, гьасилзавай суьрсетдин кьадар артух хьун гзаф аслу я. Карханаяр, КФХ-яр, арендаторар ва хуьруьн агьалияр дигидай целди таъминарун патал райондин руководстводи, «Минмелиоводхоз РД» ФГБУ-дин Самур-Гуьргенчайдин филиалдин, хуьрерин поселенийрин администрацийри тайин кIвалах тухузва.

Райондин сергьятда майишатрин арайринбур тир 8 къанал кардик ква, санлай абурун яргъивал 190 километрдилай виниз я. Алатай йисуз хуьрерин поселенийрин кьилери ва суьрсет гьасилзавайбуру 44 километрдилай виниз къенепатан къаналар михьна.

«Рычал-су» ООО-дин къуватралди, алатай йисузни, алай йисузни «Кировский», «Ашагастальский», «Аламишинский» къаналрал ва «Кировский» къаналдин головной участокда къаналар ремонт авунин рекьерай еке кIвалах тухвана.

«Минмелиоводхоз РД» ФГБУ-дин Самур-Гуьргенчайдин филиалдин директордин заместитель Асим Рамазановахъ галаз и йикъара чун «Чиляр» къаналдал михьи авунин кIвалахар кьиле тухузвай участокдиз фена. Чаз акурвал, экскаваторди «Пуд булах» участокдилай Агъа-СтIалрин Къазмайрин хуьруьн кьилихъ галай футболдин стадиондин патав кьван фенвай къаналдин участок михьи ийизвай.

- Къаналдин михьзавай участокдин яргъивал 3 километрдилай виниз я, — лугьузва Асим Рамазанова. – Анаг ремонт тавуна 10 йисалай виниз тир. Къанал михьи авунин кIвалахар тухузвайди «Оборонстрой» фирма, субподрядчикни Кьасумхуьруьн СМУ я.

Санлай къачурла, «Чиляр» къаналдал михьи авунин кIвалахар 10 000 метрда тухуда.

- Алай йисуз чи планрик «Герейхановский» къанал 15 километрдин мензилда михьи авунни ква, — давамарзава ихтилат Асим Рамазанова. – Санлай къачурла, районда цин къаналар пис гьалда авач. ВацIаризни ятар хтанва. Гьавиляй инанмишвал ийиз кIанзава хьи, цIинин йисуз хуьруьн майишатдин карханайриз, лежбервилинни фермервилин майишатриз ва хуьруьн агьалийриз дигидай цикай дарвал жедач. И кар патал чи филиалдин пешекаррини чпелай аслу кIвалахар кьилиз акъудда. Чахъ бес кьадар техникани ава.

Текст кхьейди ва шикил ягъайди Хазран Кьасумов я

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

4