РФ-дин Конституциядик алаваяр кухтунин месэладиз талукьарна

Онлайн-совещанидин кIвалахда чи райондин Кьил Нариман Абдулмуталибова ва Сулейман-Стальский райондин сечкидин территориальный ко-миссиядин председатель Нариман Мейланова иштиракна. Анал санитарно-эпидемиологический хатасузвилин месэлайриз кьетIен фикир гана. Роспотребнадзордин истемишунрихъ галаз кьадайвал, гьар са участокда аниз фидайла агьалийрин бедендин температура ахтармишда, абуруз гьар садаз чинал алукIдай маска, бегьлеяр ва са сеферда ишлемишдай ручкаяр гуда. Сечкидин участокдиз гьахьзавай чкадин вилик бактерийриз акси шейиналди гьялнавай гъвечIи хаймаяр (коврик) вегьеда. Сечкидин комиссийрин членри ва гуьзчивал тухузвайбуру маскаяр ва бегьлеяр алукIун лазим я.

Совещанидин вахтунда сечкийрин тешкилатчийрин вилик акъвазнавай сифте нубатда чарасуз герек месэлаярни къейдна.

Республикадин муниципалитетрин руководителрал анал къейд авур вири месэлаяр чпин хсуси гуьзчивилиз къачун ва сечкидин комиссийриз вири жуьредин куьмекар гун тапшурмишна.

Къейд ийиз кIанзава хьи, сесер гузвай гьар са касди сифте нубатда Россиядин Федерациядин Конститутцияда дегишвилер тунин патахъай куьн рази яни? Суалдиз «эхь» ва я «ваъ» жаваб гана кIанзава. Маса дегишвилер тунин патахъай теклифзавай месэлайрин арада премьердин, парламентдин палатайрин векилвилера дегишвилер тун, Гьукумат тайинарунин цIийи къайда ава. Кьилин Законда са жерге яшайишдин (социальный) нормаярни кхьида. Гьа гьисабдай яз пенсийрин индексация кьиле тухун, некягь (брак) гафунин мана итимдинни дишегьлидин союз, яз хьун гьисабун. ГьакIни алатай ва алай вахтунда кIвалахзавай Россиядин Президентдиз уьлкведин Кьилин къуллугъдал вичин кандидатура къалурдай ихтияр гунин патахъай мумкинвал гун ва мсб.

Дегишвилер тун патал теклифзавай дегишвилерин тамам текстинихъ галаз квез конституция:2020.оф. порталдай таниш жедай мумкинвални ава.

Гьазурайди – А. Камилов