Сесер гуниз гьазур жезва
РФ-дин Конституциядик дегишвилер кухтунин месэладиз талукьарна 1-июлдиз кьиле тухудай вирироссиядин сесер гунин компаниядин мярекатдин вилик, 16-июндиз, чи районда тешкилнавай территориальный сечкидин комиссиядиз сечкичияр ва гьакIни сечкидин комиссийра кIвалахзавайбур тIугъвалдикай хуьдай махсус шейэрин сифтегьан партия хтанва.
Алай вахтунда хканвай маскайри, бегьлейри, дезинфекция ийидай шейэри чи истемишунар тамамвилелди таъминарзава. Абур сечкидин комиссийрин участкайриз гуда. Сечкидин участкайрин комиссийрин вири членар медицинадин маскайралди, бегьлейралди, медицинадин халатралди таъминарда.
Сечкидин комиссийри сесер гузвай вирибуруз хатасузвал хуьн таъминарзава. Абурувай махсус хаймадал (коврикдал) чпин кIвачин къапар дезинфекция ийиз, гьакIни гъилер антисептиралди чуьхуьз жеда. Гьар са участкада сесер гузвайбурун температурани ахтармишда. Сесер гузвай вирибуруз маскаяр ва бегьлеяр гуда, гьакIни абур садра ишлемишдай ручкайралди таъминарда. Гьар са сятдилай столар, стулар, ракIарар ва маса чкаяр бактерийриз акси къаришмадалди гьялда, сесер гузвай кIвалериз гьар са сятдилай михьи гьава гуда. Инсанар са чкадал кIватI тахьун патал абур акъваздай чкаяр аквадайвал чара ийида, — къейдна чаз райондин сечкидин комиссиядин председатель Нариман Мейланова.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
