Меню
6+

Сетевое издание «Кюре»

14.07.2020 22:25 Вторник
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Лезги хуьрекар

Къе чна баклук гьикI гьазурдатIа, гьам рикIел хкида.

Баклук гьажибугъдадин гъуьруькай чранвай фу я. Ихьтин фу неинки тIямлу, гьакI гзаф хийирлуни я. Лезги дишегьлийри чразвай фарин жуьреяр гьисабна куьтягь жедач. Мисал яз, инал са бязибурун тIварар кьан: шур алай фу, рекъуьн, тIили фу, хвех квай фу, базламач, шткар, чар авай фу, черекуьн, къатай фу, лаваш, гуьмбе, кIи фу, хьран фу, тIанурдин фу, чIатI, алуга, цикIен, тIунутI, шуьре, акадин фу, гузан, баклук ва масабур.

Къе чна баклук гьикI гьазурдатIа, гьам рикIел хкида. Чаз герек къведа: са кьил чичIек; кьурурнавай як — 200 грамм; гьажибугъдадин гъуьр — 500 грамм; нехуьн гъуьр -100 грамм; са кака; са кIус гьерен тум; кьел ва истивут.

ЧичIекдин кьил михьна, куьлуь ийида. Ягълавдиз кьве тIур чIем вегьена, чичIек хъсандиз чрана, тагъ ийида. Чрай чичIекдик куьлуь авунвай гьерен тумни кьурай як вегьена, тIимил цIай авуна, мукьвал-мукьвал хуькуьриз, 10-15 декьикьада чрада. Вири чрайла, ягълавдик квай цIай хкудна, рекъидалди тада.

Гьажибугъдадин гъуьрни нехуькай регъвена гьазурнавай гъуьр какадарна, сафунай яна, чранвай якIук вегьеда. Са тупIавай кьел, истивут, са истикан яд яна, тинидиз тIарамдаказ гъуд гуда.

Бязибуру яд ваъ, къатух кутуна тини ишинда. Тинидин винел са кьадар вахтунда зегьмет чIугуна кIан жеда: хъсандиз гъуд гуз ишинайла, адакай чрай фу чкIидач. Идалайни гъейри, кIарцIин куьмекдалди фан кIалубдиз гъиз регьят жеда.

Пичина цIай къати авуна, тини кIарцIел яваш-яваш акьалда, чиниз цIакулар яна, сачунал вегьена, чрада. Нуш хьу­рай квез!

Нарима Агьмедова

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

5