Меню
6+

Сетевое издание «Кюре»

15.07.2020 07:10 Среда
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Налогар кIватIунин месэладиз килигна

Налогар кIватIунин месэладай райадминистрациядин экономикадин отделдин начальник Саният Вагьабова рахана.

Алай йисан 29-июндиз райондин администрацияда бюджетдиз налогрин ва налогринбур тушир пулунин такьатар кIватIун тамамарзавай месэладиз килигна.

Сифтедай анал райондин центральный больницадин кьилин духтурдин везифаяр тамамарзавайди тир Жафер Къурбанисмаилова коронавирусдин инфекция чукIунихъ галаз алакъалу яз районда арадал атанвай гьаларикай информация авуна.

Налогар кIватIунин месэладай райадминистрациядин экономикадин отделдин начальник Саният Вагьабова рахана. Ада къейд авурвал, налогрин къазанжияр 56670 агъзур манатдин кьадарда аваз атанва, ида пландин 91 процент тешкилзава. И рекьяй Алкьвадрин, Кьулан СтIалрин ва Герейханован хуьрерин поселенийрихъ хъсан нетижаяр ава.

Райондин Кьил Нариман Абдулмуталибова совещанидин иштиракчийриз ФНС-дин Дагъустан Республикада авай 2-нумрадин МРИ-дин начальник Къурбан Яхьяеван танишвал гана.

Совещанидал Къурбан Яхьяева ва хуьрерин поселенийрин кьилери налогар кIватIунин жигьетдай чкайрал тухузвай кIвалахдикай гегьенш рахунар авуна.

Абуру къейд авурвал, налогрин жигьетдай йисан пландин истемишунар къалурнавай вахтара тамамарда.

Совещанидин нетижаяр кьуналди, райондин Кьил Нариман Абдулмуталибова налогар кIватIунин жигьетдай кIвалах мадни вилик тухудай меслятар къалурна, теклифар гана.

- Налогар кIватIунин рекьяй планар кьилиз акъудун — им чи кьилин везифа, умуми метлеб я, — лагьана Н. Ш. Абдулмуталибова. — Налогар кIватIунин месэла Дагъустан Республикадин Кьил Владимир Васильеван гуьзчивилик ква. Районда гзаф объектар эцигзава. Амма налогар атунин кIвалах зайиф я. ТIалабда и кардиз фикир гун. Райондин налогрин база ацIурун патал чахъ мумкинвилер авазва. И кар райондин хуьрерин поселенийрин администрацийри федеральный, республикадин ва муниципальный къуллугърихъ галаз сихдаказ кIвалах авунилай гзаф аслу я. Умудлу я, коронавирусдин пандемиядилай гуьгъуьниз и кIвалах виниз тир ери аваз кьиле тухуда.

Совещанидал жуьреба-жуьре маса месэлайризни килигна.

Х. Гьажибалаев

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

0