РФ-дин Конституциядик дегишвилер кух тун патал Вирироссиядин сесер гун кьиле фена

30-июндиз райондин Кьил Нариман Абдулмуталибова РФ-дин Конституциядик дегишвилер кухтун патал ЦIийи поселокдин юкьван школада кардик квай 1285-сечкидин участокда сес гуналди вичин ватандашвилин буржи кьилиз акъудна.

Райондин Кьили вири районэгьлийриз сесер гунин и важиблу мярекатда активвилелди иштирак авуниз эвер гана.

- Дегишвилер кухтун патал сесер гун алай йисан яшайишдинни политикадин важиблу вакъиа я. Чна гьикI сесер гайитIа, адалай чи уьлкведин гележег, адан тарих хуьн, гьукумат мягькемарун, Урусатдин агьалияр яшайишдин жигьетдай хуьн таъминарун патал цIийи серенжемар кардик кутун гзаф аслу жеда. Теклифнавай туьхкIуьр хъувунрин чIехи пай яшайишдиз талукьарнавай месэлаяр я. Абурун жергеда йиса са сефердилай тIимил тушиз агьалийрин пенсийрин индексация кьиле тухун, гузвай социальный пуларин индексация авун, галай-галайвал гун давамарун ва масабур ава, — лагьана Нариман Абдулмуталибова. Адан фикирдалди, Конституциядик дегишвилер кухтунин месэладай сесер гун алай аямдин шартIара чарасуз кIвалах я. Ам сесер гун кьиле физвай, хатасузвал хуьн таъминарнавай гьалдилай рази яз амукьна.

А. Камилов