Меню
6+

Сетевое издание «Кюре»

15.07.2020 07:06 Среда
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Виниз тир тешкиллувал аваз

РФ-дин Конституциядик дегишвилер кухтун патал Вирироссиядин сесер гузвай юкъуз, 1-июлдиз, Сулейман-Стальский райондин Кьил Нариман Абдулмуталибова, районда сесер гунин кампанидин кураторар тир ДР-дин Кьилин ва Гьукуматдин организационно-проектный управленидин начальник Арсен Рустамовахъ ва ДР-дин экономикадин ва территорияр вилик тухунин рекьяй министрдин заместитель Гьажиамин Рамалдановахъ галаз санал сечкидин участокра сесер гунин кIвалах кьиле физвай гьал ахтармишна. 

Сесер гун Роспотребнадзордин хатасузвилин истемишунрал амал авуналди кьиле тухвана. Райондин 42 участокдани общественный гуьзчивалдайбур авай.

Арсен Рустамова къейд авурвал, сесер гунин кIвалах сечкидин вири участокра виниз тир тешкиллувал аваз кьиле фена.

Къейд ийиз кIанзава хьи, сесер гун кьиле физвай 6 юкъуз сечкидин участокриз атай райондин агьалийри саки 70 процент тешкилзава, 1-июлдин нянрихъай и рекъем 90 процент хьанвай.

Нариман Абдулмуталибов, Арсен Рустамов ва Гьажиамин Рамалданов сечкийрин асул юкъуз, кьилди къачуртIа, 1286-нумрадин Кьасумхуьруьн, 1292-нумрадин Кьулан СтIалрин, 1293-нумрадин Вини-СтIалрин, 1304-нумрадин НуьцIуьгърин, 1308-нумрадин Сардархуьруьн ва 1307-нумрадин Алкьвадрин сечкидин участокра хьана.

- Къе чна Конституциядик дегишвилер кухтуниз сесер гуналди, чна чи уьлкведин, Россиядин гьар са хизандин пакадин йикъакай фикирзава, — лагьана Н. Ш. Абдулмуталибова. — Чи агьалийри и карда чпин ватанпересвал, гражданвилин тереф къалурунални за разивал ийизва. Х. Кьасумов

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

1