Меню
6+

Сайт «Кюре»

Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Жегьилрин Йикъаз талукьарна

Жегьилар ватанпересвилин руьгьдаллаз тербияламишунин кардик еке пай кутунай, гуьгьуьллу волонтервилин гьерекат вилик тухунин карда активвилелди иштирак авунай ва Россиядин жегьилрин Йикъахъ галаз алакъалу яз муниципальный райондин Кьил Нариман Абдулмуталибова ЦIийи поселокдин ва Кьулан СтIалрин юкьван школайрин коллективриз, райондин волонтеррин гьерекатдин руководитель Майина Аликберовадиз ва

депутатрин райондин Собранидин патав гвай Жегьилрин парламентдин председатель Эльвира Небиевадиз Чухсагъулар малумарна.

Райондин Кьилин патай Чухсагъулдин чарар гьакIни школайра кIелзавай аялар тир Амина Агъамирзоевадиз, Абуреспен МегьамедтIагьироваз (Агъа-СтIалрин СОШ), Рамазан Рагьимхановаз (Сийидрин СОШ), Сагиба Мегьамедовадиз (ЦIийи поселокдин СОШ), Фатима ва Замира Садыкьовриз (Алкьвадрин СОШ) гана.

Наградаяр вахкуналди, райондин Кьили къейдна хьи, волонтервал – им уьмуьрдиз кьетIен жуьреда килигун, тамам философия я. Ада инсанвилин ивирар хуьзва ва мягькемарзава.

Нариман Шамсудиновича тухвай кIвалахдай райондин къайгъуйрик шерик хьунай агьалийриз чухсагъул лагьана ва абурухъ мягькем сагъламвал, руьгьдин къуватар, гуьгьуьллувилин кIвалахда агалкьунар хьана кIанзавайди лагьана.

Хъсан крар такуна амукьдач. Абуру куьмек кIанзавайбуруз маякри хьиз экв гуда ва куьмек гуда. Важиблуди и кардал жегьилар машгъул хьун я. Чна а кардихъ инанмишвал ийизва хьи, куь чешне къиметлуди ва чешне къачудайди я, — лагьана эхирдай райондин Кьил Нариман Абдулмуталибова. Абидин Камилов

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

1