Меню
6+

Сетевое издание «Кюре»

18.07.2020 22:02 Суббота
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Эцигунрал чан хкана

И йикъара Сулейман-Стальский райондин кьил Нариман Абдулмуталибов райадминистрациядин къурулушрин жавабдар къуллугъчиярни галаз Кьасумхуьрел спорткомплекс эцигзавай чкадал фена.

Анал эцигунрин ва объектдихъ галай мулкар абадунин проектдинни сметадин документрик дегишвилер кухтуниз талукь са жерге месэлаяр веревирдна.

Кьве мертебадин дараматда чIехи спортзал, залан атлетикадал, азаддиз кьуршахар кьунал, боксдал машгъул жедайбуруз кьилдин чкаяр жеда. Спорткомплексдин мулкара футболдин, теннисдин, баскетболдин, волейболдин майданар туькIуьрдайвал я. Идалайни гъейри, гимнастикадал машгъул жедайбуруз махсус чка, тамашачияр патал трибунаяр ва масабур тешкилда.

Къейд ийин, спорткомплексдин эцигунар 2005-йисуз республикадин инвестицийрин программадай башламишнай. Сифтедай пуд йисан къене тIимил-тIимил такьатар ахъайнатIани, ахпа и месэла акъвазна. А чIавалай инихъ эцигунрал кIукI гъиз хъхьанач. Райондин руководстводин алахъунрин нетижа яз, РД-дин Кьил Владимир Васильева эцигунрал чан хкун тапшурмишна. Къейдзавайвал, алай йисуз 10 миллион манат чара авунва. Аукциондин нетижада проектрин “Геопроект” ООО-дихъ галаз икьрар кутIуннава. Санлай къачурла, 2021-йисуз эцигунрин такьатар 62 518 700 манатдикай ибарат жеда.

Эцигунар кьиле физвай мулкариз килигайдалай кьулухъ Н.Абдулмуталибова талукь кса-риз тапшуругъарни гана.

Х. Кьасумов

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

2