Меню
6+

Сетевое издание «Кюре»

Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Гатун тIал алай месэла

Лугьудайвал, гатун тIал алай месэлайрикай сад цин месэла я, вични ихьтин чими вахтунда.

Лугьудайвал, гатун тIал алай месэлайрикай сад цин месэла я, вични ихьтин чими вахтунда. ВацIарани яд кьери хьайила, гьам дигидай ва гьамни хъвадай цикай еке кьитвал, адахъ галаз санал агьалийрилай наразивилин арзаярни жезва.

И йикъара райондин Кьил Нариман Абдулмуталибов, талукь къуллугърин руководителарни галаз, агьалийрин арзайрин гелеваз Герейханован хуьруьн 2-отделенидиз мугьман хьана, чкадал хъвадай ва дигидай целди гьикI таъмин ятIа, гьакIни «Герейхановский» къаналдал ремотрин кIвалахар гьикI кьиле физватIа ахтармишна.

Райондин Кьилихъ галаз санал аниз гьуьжет алай месэлаяр гьялун патал «Минмелиоводхоз» ФГУП-дин райондин филиалдин руководитель Фикрет Шерифов ва УСХП-дин начальник Мегьамедзагьид Бабаев, АС-дин ва ЖКХ-дин отделдин начальник Хейрулагь Сефералиев, «сельсовет Герейхановский» АСП-дин кьил Руслан Алдыров, гьакIни и хуьруьн общественностдин векиларни атанвай. Абуру «Макьар» микрорайонда яшамиш жезвай агьалийрихъ галазни четин ва гьуьжет алай месэлаяр веревирд авуна, абур арадай акъуддай рекьер жагъуриз алахъна.

Хуьруьн агьалийрихъ галаз суьгьбетар авурдалай гуьгъуьниз Нариман Абдулмуталибова цин патахъай гележегда ихьтин татугай гьалариз рехъ тагун патал жавабдар къуллугърин руководителрал талукь серенжемар кьабулун тапшурмишна. Кьилди къачуртIа, Герейханован хуьруьн ва Агъа СтIалрин хуьрерин администрацийрин кьилери «Минмелиоводхоз» ФГУП-дин райондин филиалдихъ галаз санал дигидай цин къаналдин къерехар тирвал чпи-чпиз кьунвай чилин участокар ахъайиз тун тапшурмишна. И татугайвилери дигидай цин къанал михьунин кIвалахризни кьецI гузва. И сергьятдай физвай къанал ва адан хилер михьи тавуна саки 20-25 йис тамам хьанва.

Къаналда дигидай цикай кьитвал хьайила, агьалийри чпин салариз яд гун патал хъвадай цикай менфят къачузва, яни цIийи ва мадни четин татугайвал арадал гъизва. Гьелбетда, «Сардаркент-Даркуш-Казмаляр» магистральный водопровод тамамвилелди кардик акатайла и татугайвилер, наразивилерни чеб-чпелай арадай акъатда. Ада 90% райондин агьалияр хъвадай целди таъминардай мумкинвал гуда.

Алай вахтунда ина дигидай цин къаналдал ремонтрин кIвалахар давам жезва. Адан къерехар тирвал агьалийри чпи-чпиз кьунвай чкаяр ахъайзава, анай къубу михьдай махсус техника фидайвал къайдадик кутазва.

И гуьруьшмишвилин вахтунда «Макьар» микрорайондин агьалийри райондин Кьиливай хуьруьн сурарал фидай рекье къир цун тIалабна. Нариман Абдулмуталибова и куьчеда къир цун къведай йисан пландик кутадайди лагьана.

Гьазурайди — Абидин Камилов

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

19