Мергьеметлувилин къанунралди Куьмекдай чухсагъул лугьузва

Райондин центральный больницадин инфекционный отделенидин ва терапевтический отделенидин провизорный госпиталдин медицинадин персоналди коронавирусдин пандемиядин вахтунда мергьеметлувилин куьмекар гунай «Рычал-су» минеральный ятар акъуддай заводдиз чухсагъул малумарна. Ана кхьизва:

« — Гьуьрметлу Муслим Агъамегьамедович!

Чна Квез ва Куьне регьбервал гузвай «Завод минеральных вод «Рычал-су» ОАО-дин коллективдиз коронавирусдин эпидемиядин вахтунда чаз, ЦРБ-дин медработникриз, материальный ва руьгьдин жигьетдай куьмекар гунай еке чухсагъул лугьузва. Заводдин патай гьар вацра пулунин куьмекар больницадилай къецяй пневмониядик ва коронавирусдик начагъбурухъ гелкъвей инфекционный отделенидин ва терапевтический отделенидин провизорный госпиталдин медработникриз гуз хьана. Райондин больница патал медикаментар, тIугъвалдикай хуьдай шейэр къачуна. Больница «Рычал-су» ва «Мевер» путулкайра авай хъвадай минеральный ятаралди таъминарзава.

Чаз Квехъ ва Куь коллективдихъ сагъламвал, саламатвал, хъсан фикирар уьмуьрдиз кечирмишунин карда агалкьунар хьана кIанзава».