Меню
6+

Сетевое издание «Кюре»

18.07.2020 21:25 Суббота
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Нубатдин совещанидал

Видеоконференцсвяздин къайдада кьиле фейи совещанидин кIвалахда Сулейман-Стальский райондин Кьил Нариман Абдулмуталибовани иштиракна.

И йикъара, Дагъустандин Кьил Владимир Васильеван тапшуругъ кьилиз акъудунин сергьятда аваз, ДР-дин Кьилин ва Гьукуматдин Администрациядин Руководитель Владимир Иванова «Мой Дагестан» республикадин проект уьмуьрдиз кечирмишунин месэладай республикадин муниципальный тешкилатрин руководителрихъ галаз совещание кьиле тухвана.

Видеоконференцсвяздин къайдада кьиле фейи совещанидин кIвалахда Сулейман-Стальский райондин Кьил Нариман Абдулмуталибовани иштиракна.

Совещанидал «Мой Дагестан – моя вода», «Мой Дагестан – мои дороги» ва «Мой Дагестан – Комфортная городская среда» важиблу проектар кьилиз акъудзавай гьалдиз килигна. Дагъустандин Кьили фикирдиз гъанвай и проектар уьмуьрдиз кечирмишунин карда 2020-йисуз Сулейман-Стальский райондини иштиракзава.

Анал целди таъминардай объектрал эцигунрин кIвалахар кьиле тухузвай гьал, рекьер ремонт авун, шегьердин гьалар арадал гъун ва арадал къвезвай, гьялна кIанзавай месэлаяр веревирд авуна. Владимир Иванова «Мой Дагестан» проектда къалурнавайвал тамамарзавай кIвалахар еридивди ва вахтунда кьилиз акъудун чарасуз тирди лагьана.

«Формирование комфортной городской среды» федеральный проектдин ва «Жилье и городская среда» милли проектдин сергьятра аваз алай йисуз чи райондин 3 хуьре – Агъа СтIалдал, Эминхуьре, Герейханован хуьруьн 1-отделенида общественный территорияр аваданламишунин, цIийи паркар ва скверар туькIуьрунин кIвалахар кьиле тухузва.

«Мой Дагестан – мои дороги» проектдин сергьятда аваз хуьруьн чкайра – КIварчагъа, Испика, Чуьхверхуьрел ва Кьулан СтIалдал санлай кьурла 4,37 километрда 25289 квадратный метрдин майданда къир цунин кIвалахар кьиле тухун фикирдиз къачунва.

«Мой Дагестан – моя вода» проектдай районда «Сардаркент-Даркуш-Казмаляр» групповой водопровод тухунин кIвалахар акьалтIарда. Пуд хуьр патал (Кьулан-СтIал, Курхуьр ва ЦIийи Макьар) цIийи цин линияр тухун патал проектдинни сметадин документацияр гьазурда. Алай вахтунда Кьасумхуьрел къенепатан цин линияр тухунин кIвалахар кьиле физва.

А карни къейд ийиз кIанзава хьи, и проектар уьмуьрдиз кечирмишуниз талукь тир месэлаяр райондин Кьил Нариман Абдулмуталибован гьар йикъан гуьзчивилик ква.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

9