Меню
6+

Сайт «Кюре»

Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Образованидин месэлайриз – кьилин фикир

Селекторный совещанидин кIвалахда чи райондин Кьил Нариман Абдулмуталибова, РУО-дин начальник Гьуьсейн Шихбабаева ва УКС-дин начальник Роберт Мейланова иштиракна.

9-июлдиз ДР-дин Гьукуматдин Председателдин заместитель – образованидин ва илимдин министр Уммупазиль Омаровадин регьбервилик кваз, ВКС-дин режимда аваз, республикадин территорияда авай образованидин объектар эцигунин ва ремонт авунин месэладиз килигна.

Селекторный совещанидин кIвалахда чи райондин Кьил Нариман Абдулмуталибова, РУО-дин начальник Гьуьсейн Шихбабаева ва УКС-дин начальник Роберт Мейланова иштиракна.

Онлайн-совешанидин вахтунда образованидин объектрал тамамарзавай эцигунрин кIвалахрин мониторинг кьиле тухвана, абур эцигна акьалтIарунин ва ишлемишиз вахкунин, гьакIни школаяр цIийи кIелунин йисаз гьазурунин вахтар веревирд авуна.

Алай йисуз районда 4 школа (Р. Османован тIварунихъ галай 1-нумрадин Герейханован СОШ, М. Къараханован тIварунихъ галай КIварчагърин СОШ, Кьасумхуьруьн 1-нумрадин СОШ ва ЦIийи Макьарин СОШ) ДР-дин Кьилин «100 школ» проектдай ремонт ийида. Образованидин 10 идарада гьавадинни чимивилин режимдин истемишунрал амал авунин жигьетдай кIвалахар кьиле тухузва, кьилди къачуртIа, чимивал гудай системаяр, дакIарар ва ракIарар дегишарзава.

Онлайн-совещанидин сергьятра аваз муниципалитетриз ДР-дин Минобрнаукадин реестрда авай куьгьне хьанвай ва аварийный гьалда авай школайрин списокар актуализировать авун ва теклифар гун меслят къалурнава.

Эгер школа чкIидай гьалда аватIа, ДР-дин Минстройди тестикьарнавай формадай акт агакьарна кIанда.

Районда 23 школа аварийный гьалда ава. Алай вахтунда Алкьвадрин ва Агъа-СтIал Къазмайрин юкьван школайрин цIийиз эцигзавай дараматрал эцигунрин кIвалахар кьиле тухузва.

Гьазурайди – Абидин Камилов

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

3