Райондин Кьил рази яз амукьна
Мукьвал йикъара райондин Кьил Нариман Абдулмуталибов «Моя улица самая благоустроенная» конкурс-килигуна гъалиб хьунин нетижада къир цайи Агъа-СтIал Къазмайрин Калининан тIварунихъ галай куьче дуьзмишзавай гьалдихъ галаз чкадал фена таниш хьана.
РикIел хкиз кIанзава хьи, 600 метрдин яргъивал алай, санлай 3600 квадратный метрдин майдан кьунвай и куьче 2019-йисуз тухвай конкурс-килигуна гъалиб хьанай. Къир цунихъ галаз санал, куьчеда жуьреба-жуьре маса кIвалахарни тухвана.
Райондин Кьил Нариман Абдулмуталибов куьчеда тухванвай ремонтринни эцигунрин кIвалахрилай рази яз амукьна, ада куьче дуьзмишунин теклиф гваз экъечIай агьалийриз еке къимет гана.
- Чи агьалийри яшайишдинни дуланажагъдин шартIар хъсанарунин кIвалахра активвилелди иштиракзава, и кардал зун шад я, — къейдна Н. Ш. Абдулмуталибова. – Кьилди и куьчедикай рахайтIа, агьалийри чпин хушуналди газдин турбайриз ширер яна, кьунвай артухан участокар азад хъувуна, талукь документар гьазурна, гьакIни конкурсдин са жерге серенжемар кьиле тухвана. Куь теклифри райондин руководство гьевеслу ийизва. Мукьвал тир гележегда социальный объектрал, сурарал физвай хуьрерин къенепатан вири куьчейра къир цада.
Калининан куьчедин агьалийри гузвай куьмекдай, месэлаяр гьялунай Нариман Шамсудиновичаз чухсагъул лагьана.
Куьчеда дуьзмишунин кIва лахар хьиз, районда «Моя улица самая благоустроенная» конкурс-килигун 2020-йисузни давам жезва.
Х. Гьажибалаев
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
