Меню
6+

Сетевое издание «Кюре»

Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Вахтунин месэлайриз килигна

Гатун алай вахтунда райондин хуьрерин зегьметчияр дигидай целди таъминарун – им важиблу месэладиз элкъвенва.

Алай йисан 14-июлдиз райадминистрацияда «Сулейман-Стальский район» муниципальный райондин Кьил Нариман Шамсудинович Абдулмуталибован регьбервилик кваз совещание кьиле фена, анал важиблу са шумуд месэладиз килигна.

Гатун алай вахтунда райондин хуьрерин зегьметчияр дигидай целди таъминарун – им важиблу месэладиз элкъвенва. Дигидай цикай кьитвал авайдан патахъай агьалийрилай арза-ферзе райондин руководстводиз, чкайрал алай самоуправленидин органризни къвезва. И месэладай совещанидал райондин хуьруьн майишатдин ва суьрсетдин управленидин начальник Мегьамедзагьид Бабаев рахана. Ада къейд авурвал, районда майишатрин арайринбур тир 186 километр ва къенепатанбур тир 271 километр къаналар ава. Райондин территорияда дигидай майданри 9583 гектар тешкилзава. райондин агьалияр атIунар авачиз дигидай целди таъминарунин мураддалди набататар чиляй экъечIунин ва еке хьунин девирда цин къурулуш ремонт ва цIийикIа тIуькIуьр хъувунихъ рекье тунвай са жерге серенжемар кьиле тухвана. Гьар йисуз ДР-дин Минмелиоводхозди 2 къанал ремонт хъийизва, анагар михьзава. Алай йисуз «Члар» ва «Герейхановский» майишатрин арайринбур тир къаналар михьна. Гьа са вахтунда, чи къаналар хъсан гьалда ава лугьуз жедач. ИкI, майишатрин арайринбур тир 8 къаналдикай 6-дал капитальный головной водозаборный тадаракар алач. Идалайни алава яз гидротехнический 84 тадаракдикай (ГТС-дикай) 68 чкIанва, абур капитальнидаказ ремонт хъувунин лазимвал ава. И ва маса себебралди хуьруьн майишатдин шей гьасилзавай бязи карханайрал ва инсанрал дигидай яд агакьзавач. Дигидай яд кьенят хьунихъ галаз алакъалу яз райондин дигидай цин къурулушдик дигидай цин маса чешмеяр акал хъийидай (Кьурагь ва Чирагъ вацIар авахьзавай дерейра водохранилищеяр эцигун) серенжемар кьабулун, майишатрин арайринбур тир 6 къаналдал головной водозаборный тадаракар эцигун, гьакIни яд кьенятдивди ишлемишун чарасуз я…

Дигидай цин месэладин патахъай совещанидал ДР-дин Минмелиоводхоздин Самур-Гуьргенчайдин филиалдин руководитель Фикрет Шерифов, райадминистрациядин Кьилин 1-заместитель Лацис Оруджев, ЦIийи Макьарин ва Кьулан СтIалрин хуьрерин поселенийрин кьилер тир Асамудин Къазиагьмедов ва Муслим Альдеров, Герейханован хуьряй тир арендатор Исмаил Тагьиров рахана. Абуру райондин агьалияр атIунар авачиз дигидай целди таъминарунин ва вацIарин экосистема хуьнин жигьетдай теклифар гана, меслятар къалурна.

Райондин Кьил Нариман Абдулмуталибова райондин социально-экономический къурулуш ва мелиорациядин инфрастуктура хъсанарунихъ ва вилик тухунихъ рекье тунвай серенжемар кьилиз акъудун патал «рекьерин картадал» кIвалах хъувуна бегьемарун чарасуз тирди къейдна.

- Рахунарни жезва, теклифарни гузва, амма план уьмуьрдиз кечирмишун яргъал физва, — лагьана Н. Ш. Абдулмуталибова. – Чаз чизва, гзаф йисара райондин мелиорациядин система гадарнавай гьалда аваз хьана. Республикадин Кьилиз Владимир Васильев атунихъ галаз и жигьетдайни кIвалахда хъсанвилихъ дегишвилер кьиле физва. Агьалияр гьам дигидай, гьам хъсан еридин хъвадай целди таъминарунин месэла ДР-дин Кьилин кьетIен ва гьар йикъан гуьзчивилик ква, и рекьерай, санлай республикада хьиз, Сулейман-Стальский райондани еке кIвалах тухванва. Гъиле авай йисуз «Сардаркент-Даркуш-Казмаляр» групповой водопроводдин эцигунар акьалтIарда, ида райондин 90 процент агьалияр хъвадай целди таъминарда. Кьасумхуьрел водопроводдин сетар эцигун башламишнава. Мадни 3 хуьре водопроводдин сетар эцигун патал ПСД-яр туькIуьрнава. УОС-дин, УКС-дин, УМИЗ-дин, АСП-рин ва архитектурадинни эцигунрин, ЖКХ-дин отделдин саналди тир чалишмишвилералди «рекьерин картадал» кIвалах хъувуна бегьемарун, агьалияр атIунар авачиз дигидай целди таъминарунин кIвалах хъсанарунин кIвалах акьалтIарун чарасуз я. Гьа са вахтунда и жигьетдай хуьрерин агьалийрихъ галаз тухузвай кIвалахни гужлу авун лазим я.

Совещанидин сергьятра аваз социально-экономический маса важиблу месэлайризни килигна.

Гуьгъуьнлай райадминистрациядин экономикадин отделдин начальник Саният Вагьабовади налогрин рекьяй алай буржар агъузарун патал «Герейхановский», «Эминхюр», «Новомакинский», «Даркуш-Казмалярский» хуьрерин поселенийрин социальный учрежденийра тухвай рейддин серенжемрикай малумат гана. Ада лагьайвал, 2-июлдилай 10-июлдалди аламай эмменидин налогдин буржар 1419 агъзур манатдин агъузарна.

Хсуси къазанжияр кIватIунай Межведомственный комиссиядин протоколрин тапшуругърин рекьяй «Новомакинский» хуьруьн поселенида социально-экономический сифте нубатдин везифаяр кьилиз акъудун кьиле физвай гьалдикай АСП-дин кьил Асамудин Къазиагьмедов рахана. Адан гафаралди, бюджет бегьемарунин доходдин паюни 204,8 агъзур манат тешкилзава. Райондин Кьил Нариман Абдулмуталибова хуьрерин

поселенийрин администрацийрин кьилериз эменнидин налогрин аламай буржар алудунин кIвалах чпин гуьзчивилик кутунин патахъай тапшуругъ гана.

Совещанидин сергьятра аваз райондин центральный больницадин кьилин духтурдин везифаяр тамамарзавайди тир Жафер Къурбанисмаиловни рахана. Ада коронавирусдин инфекциядихъ галаз алакъалу яз районда арадал атанвай гьалар (талукь рекъемар гъиз-гъиз) раижна ва и тIегъуьндин вилик пад кьун патал районда тухузвай кIвалахдикай лагьана.

Асият Мирзалиева,

Хазран Кьасумов

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

11