Меню
6+

Сайт «Кюре»

Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

ЧIехи Гъалибвилин - 75 йис Крымдин чиликай сур хьайибур

Ватандин ЧIехи дяведин йисара Крымдин полуостровдал кьиле фейи къати женгерин гьерекатрини тарихда вичин гел туна.

Крымдин полуостровдал кьиле фейи къати женгерин гьерекатрини тарихда вичин гел туна. Гьа женгера дагъустанвийри, гьабурукай яз чи райондин агьалийрини иштиракна, кьегьалвилер къалурна. Крым хуьн ва азад авунин женгера цIудралди чи ватанэгьлияр игитвилелди телеф хьана. Крымдин чиликай чпиз сур хьайибурун арада чи райондайни са шумуд кас ава. Абурукай са шумудакай агъадихъ чаз делилар гъиз кIанзава:

Аскеров Агъарагьим, 1907- йисуз Кьасумхуьруьн райондин Агъа СтIалрин хуьре дидедиз хьана. Яру Армиядин аскер, 51-армия, 3550АШР. 1944-йисан 7-майдиз телеф хьана. Адан тIвар Севастополдин «РикIел хуьнин» ктабда гьатнава. Крымдин Штурмовое хуьруьн сурара кучуднава.

Билалов Ибрагьим Билалович, 1909-йисуз Кьасумхуьруьн районда дидедиз хьана. Армиядиз Москвадин областдин Киевский РВК-ди эвер гана. 128-гвардейский стрелковый дивизиядин жергедин аскер. 1944-йисан 12-майдиз телеф хьана. Москва шегьердин «РикIел хуьнин» ктабда адаз талукь делилар ава. Ам Севастополдин аскеррин сурара кучуднава.

Айвазов Мирзе Айвазович, 1912-йисуз Кьасумхуьруьн районда дидедиз хьана. Яру Армиядин 414-стрелковый дивизиядин аскер. 1944-йисан 9-майдиз телеф хьана. Крымда, Балаклавский шегьре рекьин къерехда авай 414-дивизиядин кьушунрин стхавилин сурара кучукнава. Адан тIвар Севастополдин «РикIел хуьнин» ктабда гьатнава.

Санлай къачурла, Крымдин чиликай сурар хьайибурукай яз Дагъустандин ва Севастополдин «РикIел хуьнин» ктабра дагъустанвийрикай 17 касдин тIварар ва абуруз талукь делилар гьатнава.

Хазран Кьасумов

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

4